سینے میں پنجے گاڑ کے، گردن دبوچ کے
سینے میں پنجے گاڑ کے، گردن دبوچ کے کھانے لگا ہے وقت مجھے نوچ نوچ کے تِتلی نہیں ہے تُو! کہ تُجھے زِندہ چھوڑ دیں چل! چل! حقوق ہوتے نہیں کاکروچ کے! یکدم کسی کی یاد نے تھاما ہے میرا ہاتھ اب کیسے کیسے فائدے ہوتے ہیں موچ کے! جس کی بریک فیل ہے، ٹائر گھِسے پِٹے ہم سب مسافران ہیں اِک ایسی کوچ کے اِک شب جھپٹ پڑی تھی اچانک، فسردگی اب تک نشان ہیں مِرے دل پر کھروچ کے رانجھا ہو چاہے پنّوں ہو، سانجھا ہے سب کا درد پنجابی کے بھی دُکھ ہیں، جو دُکھ ہیں بلوچ کے جی چاہتا ہے بھاگتا جاؤں کسی بھی سمت کب تک قدم اُٹھائے کوئی، سوچ سوچ کے! پکّی سڑک سے دُور، کسی کچّے گھر کے پاس اِک رِکشہ خواب دیکھتا ہے کارپوچ کے
English rendering
Seene mein panje gaad ke, gardan daboch ke Khaane laga hai waqt mujhe noch noch ke Titli nahin hai tu! Ke tujhe zinda chhod dein Chal! Chal! Huqooq hote nahin cockroach ke! Yakdam kisi ki yaad ne thaama hai mera haath Ab kaise kaise faayde hote hain moch ke! Jis ki brake fail hai, tyre ghise pite Hum sab musafiraan hain ik aisi coach ke Ik shab jhapat padi thi achanak, afsurdagi Ab tak nishaan hain mere dil par kharoch ke Ranjha ho chaahe Punnu ho, saanjha hai sab ka dard Punjabi ke bhi dukh hain, jo dukh hain Baloch ke Jee chahta hai bhaagta jaaun kisi bhi simt Kab tak qadam uthaaye koi, soch soch ke! Pakki sadak se door, kisi kacche ghar ke paas Ik rickshaw khwab dekhta hai car-porch ke