سلگتے بجھتے جزیروں پہ نخل جڑتی ہے
سلگتے بجھتے جزیروں پہ نخل جڑتی ہے یہ موج روز نئی داستان گھڑتی ہے لگے رہیں گے کہاں تک سکوت کے خیمے وہ شور ہے کہ طناب صدا اکھڑتی ہے سلگ رہا ہے کسی سبز آگ میں وہ شجر جو ٹہنیوں کو ہلاؤں تو راکھ جھڑتی ہے لپکتے ہیں انہی شانوں کو ڈھونڈتے دھاگے پڑے پڑے ہی کہیں کوئی شال ادھڑتی ہے بہت گھنا ہی سہی نخل خواب کا سایہ مگر یہ دھوپ جو چاروں طرف سے پڑتی ہے یہ باغ دل ہے یہیں اک اداس شہزادی گلاب توڑتی ہے تتلیاں پکڑتی ہے
English rendering
Sulagte bujhte jazeeron pe nakhl jadti hai Yeh mauj roz nai dastan ghadti hai Lage rahenge kahan tak sakoot ke khaime Woh shor hai ke tanab-e-sada ukhadti hai Sulag raha hai kisi sabz aag mein woh shajar Jo tehniyon ko hilaun to raakh jhadti hai Lapakte hain unhi shanon ko dhoondhte dhaage Pade pade hi kahin koi shaal udhadti hai Bahut ghana hi sahi nakhl-e-khwab ka saya Magar yeh dhoop jo charon taraf se padti hai Yeh baagh-e-dil hai yahin ek udaas shehzadi Gulab todti hai titliyan pakadti hai