ترانہ، دل پہ ہے کندہ، ہمارا
ترانہ، دل پہ ہے کندہ، ہمارا بناتی ہیں رگیں، نقشہ ہمارا سفید اور سبز لگتی ہے ہر اک شے نظر پر نقش ہے جھنڈا ہمارا سمندر ظرف ہیں ندیاں ہماری ہے دریا دل ہر اک چشمہ ہمارا ہمارے خواب اس میں تیرتے ہیں فقط صحرا نہیں صحرا ہمارا چٹانیں کانپتی ہیں ڈر کے مارے حریفِ سنگ ہے شیشہ ہمارا اسے مٹّی نہ کر دیں ہم تو کہنا! وہ روکے تو سہی رستہ ہمارا! اُڑا لے جائیں گے ہم ساتھ اپنے اگر کُھلتا نہیں پنجرہ ہمارا ہمیں سونے سے بڑھ کر قیمتی ہے بھلے مٹّی کا ہو سکّہ ہمارا انہیں نوکِ ہلال اب چُبھ رہی ہے* کھٹکتا تھا جنہیں تارہ ہمارا سنا ہے:اِنَّ مَعَ الْعُسْرِ یُسْرًا سو وقت آنے کو ہے اچّھا ہمارا
English rendering
Tarana, dil pe hai kunda, hamara Banati hain ragen, naqsha hamara Safed aur sabz lagti hai har ek shai Nazar par naqsh hai jhanda hamara Samundar zarf hain nadiyan hamari Hai darya dil har ek chashma hamara Hamare khwab is mein teerte hain Faqat sehra nahin sehra hamara Chatanen kaanpti hain dar ke maare Hareef-e-sang hai sheesha hamara Use mitti na kar den hum to kehna! Woh roke to sahi rasta hamara! Uda le jayenge hum saath apne Agar khulta nahin pinjra hamara Hamein sone se badh kar qeemti hai Bhale mitti ka ho sikka hamara Inhen nok-e-hilal ab chub rahi hai* Khatakta tha jinhen taara hamara Suna hai: Inna ma'al usri yusra So waqt aane ko hai achchha hamara