توڑ سکوں نہ کوئی قُفل، دُور کہِیں نہ جا سکوں
توڑ سکوں نہ کوئی قُفل، دُور کہِیں نہ جا سکوں ایسی گرہ لگا کے میں ہاتھ نہ پھر چُھڑا سکوں اے مِرے ناتواں ملال! دیکھ رہا ہوں تیرا حال مرغِ طرب مِلے تو میں لا کے تجھے کھِلا سکوں کِس کو خبر کہ پھر یہاں کوئی بنا ہی دے مکاں دِل سے تری حویلی کا ملبہ اگر ہٹا سکوں وقت ملے اگر تجھے آ کے اُڑا بھی دے مجھے تاکہ میں راکھ ہونے کا خُود کو یقیں دِلا سکوں دِن کی چڑھائی اک طرف، رات کی کھائی اک طرف بیچ میں شام کی چٹان، کیا تِرے پاس آ سکوں! آپ ہی ایک دیو ہوں، آپ ہی شاہزادہ ہوں کاش! لگوں میں اپنے ہاتھ، کاش! تجھے بچا سکوں
English rendering
Tod sakoon na koi qufl, door kahin na ja sakoon Aisi girah laga ke main haath na phir chhuda sakoon Aye mere natavaan malaal! Dekh raha hoon tera haal Murgh-e-tarab mile to main la ke tujhe khila sakoon Kis ko khabar ke phir yahan koi bana hi de makaan Dil se teri haweli ka malba agar hata sakoon Waqt mile agar tujhe aa ke uda bhi de mujhe Taake main raakh hone ka khud ko yaqeen dila sakoon Din ki chadhaayi ek taraf, raat ki khaayi ek taraf Beech mein shaam ki chataan, kya tire paas aa sakoon! Aap hi ek dev hoon, aap hi shehzada hoon Kaash! Lagoon mein apne haath, kaash! tujhe bacha sakoon