سلیم کوثر

English rendering

Bahut se khwab dekhe hain, kabhi sheron mein dhalen ge Koi chehra tarashein ge, koi soorat nikalen ge Abhi to paaon ke neeche zameen mehsoos hoti hai Jahan yeh khatam hove gi, wahin hum ghar bana len ge "Yehi hai na, tumhein hum se bichhad jane ki jaldi hai Kabhi milna, tumhare masle ka hal nikalen ge" Abhi chupke se hijr aasar lamha aayega aur phir Tum apni raah chal do ge hum apna raasta len ge Jo apne khoon se apni gawahi khaak par likh de Hum aise aadmi ko aasmanon par utha len ge Main deewar-e-abad ki simt se mud kar dekhta hoon jab Sada-e-ghaib aati hai tumhein wapas bula len ge Hamare haath jis ke qatl ki saazish mein shamil the "Saleem" us shakhs ka qatil se hum kya khoon baha len ge