یہ لوگ جس سے اب انکار کرنا چاہتے ہیں
یہ لوگ جس سے اب انکار کرنا چاہتے ہیں وہ گفتگو در و دیوار کرنا چاہتے ہیں ہمیں خبر ہے کہ گزرے گا ایک سیل فنا سو ہم تمہیں بھی خبردار کرنا چاہتے ہیں اور اس سے پہلے کہ ثابت ہو جرم خاموشی ہم اپنی رائے کا اظہار کرنا چاہتے ہیں یہاں تک آ تو گئے آپ کی محبت میں اب اور کتنا گنہ گار کرنا چاہتے ہیں گل امید فروزاں رہے تری خوشبو کہ لوگ اسے بھی گرفتار کرنا چاہتے ہیں اٹھائے پھرتے ہیں کب سے عذاب در بدری اب اس کو وقف رہ یار کرنا چاہتے ہیں جہاں کہانی میں قاتل بری ہوا ہے وہاں ہم اک گواہ کا کردار کرنا چاہتے ہیں وہ ہم ہیں جو تری آواز سن کے تیرے ہوئے وہ اور ہیں کہ جو دیدار کرنا چاہتے ہیں
English rendering
Yeh log jis se ab inkaar karna chahte hain Woh guftugu dar-o-deewar karna chahte hain Humein khabar hai ke guzrega ek sail-e-fana So hum tumhein bhi khabardar karna chahte hain Aur is se pehle ke sabit ho jurm-e-khamoshi Hum apni ra'ay ka izhaar karna chahte hain Yahan tak aa to gaye aap ki mohabbat mein Ab aur kitna gunahgar karna chahte hain Gul-e-umeed ferozan rahe teri khushboo Ke log use bhi giraftar karna chahte hain Uthaye phirte hain kab se azab dar badari Ab is ko waqf-e-reh-yaar karna chahte hain Jahan kahani mein qatil bari hua hai wahan Hum ek gawah ka kirdar karna chahte hain Woh hum hi hain jo teri aawaz sun ke tere hue Woh aur hain ke jo deedar karna chahte hain