فریب جبہ و دستار ختم ہونے کو ہے
فریبِ جبہ و دستار ختم ہونے کو ہے لگا ہواہے جو دربار، ختم ہونے کو ہے کہانی کار نے اپنے لیے لکھا ہے جسے کہانی میں وہی کِردار ختم ہونے کو ہے سمجھ رہے ہوکہ تم سے ہے گرمئ بازار سو اب یہ گرمئ بازار ختم ہونے کو ہے مسیحا، کیسا تجھے لگ رہا ہے، کچھ تو بتا کہ تیرے سامنے بیمار ختم ہونے کو ہے برہنہ ہوتی چلی جا رہی ہے یہ دُنیا کہیں گلی، کہیں دیوار ختم ہونے کو ہے یہ کیا ہوا تجھے تسلیم کرنے والوں میں سُنا ہے، جراتِ اظہار ختم ہونے کو ہے جو مجھ پہ بیت گئی وہ خبر نہیں مِلتی کہ اب تو سارا ہی اخبار ختم ہونے کو ہے اب اس کے بعد نئی زندگی کا ہے آغاز یہ زندگی تو مرے یار ختم ہونے کو ہے سلیم کثرتِ اشیا کی گرد میں آخر غرُورِ درہم و دینار ختم ہونے کو ہے
English rendering
Fareb-e-jubba-o-dastaar khatm hone ko hai Laga hua hai jo darbaar, khatm hone ko hai Kahani-kaar ne apne liye likha hai jise Kahani mein wahi kirdaar khatm hone ko hai Samajh rahe ho ke tum se hai garmi-e-bazaar So ab yeh garmi-e-bazaar khatm hone ko hai Maseeha, kaisa tujhe lag raha hai, kuch to bata Ke tere saamne beemaar khatm hone ko hai Barahna hoti chali jaa rahi hai yeh duniya Kahin gali, kahin deewaar khatm hone ko hai Yeh kya hua tujhe tasleem karne walon mein Suna hai, jurrat-e-izhaar khatm hone ko hai Jo mujh pe beet gayi woh khabar nahin milti Ke ab to saara hi akhbaar khatm hone ko hai Ab iske baad nayi zindagi ka hai aaghaz Yeh zindagi to mere yaar khatm hone ko hai Saleem kasrat-e-ashya ki gard mein aakhir Ghuroor-e-dirham-o-dinaar khatm hone ko hai