میں خیال ہوں کسی اور کا مجھے سوچتا کوئی اور ہے
میں خیال ہوں کسی اور کا مجھے سوچتا کوئی اور ہے سر آئینہ مرا عکس ہے پس آئینہ کوئی اور ہے میں کسی کے دست طلب میں ہوں تو کسی کے حرف دعا میں ہوں میں نصیب ہوں کسی اور کا مجھے مانگتا کوئی اور ہے عجب اعتبار و بے اعتباری کے درمیان ہے زندگی میں قریب ہوں کسی اور کے مجھے جانتا کوئی اور ہے مری روشنی ترے خد و خال سے مختلف تو نہیں مگر تو قریب آ تجھے دیکھ لوں تو وہی ہے یا کوئی اور ہے تجھے دشمنوں کی خبر نہ تھی مجھے دوستوں کا پتا نہیں تری داستاں کوئی اور تھی مرا واقعہ کوئی اور ہے وہی منصفوں کی روایتیں وہی فیصلوں کی عبارتیں مرا جرم تو کوئی اور تھا پہ مری سزا کوئی اور ہے کبھی لوٹ آئیں تو پوچھنا نہیں دیکھنا انہیں غور سے جنہیں راستے میں خبر ہوئی کہ یہ راستہ کوئی اور ہے جو مری ریاضت نیم شب کو سلیمؔ صبح نہ مل سکی تو پھر اس کے معنی تو یہ ہوئے کہ یہاں خدا کوئی اور ہے
English rendering
Main khayal hoon kisi aur ka mujhe sochta koi aur hai Sar-e-aaina mera aks hai pas-e-aaina koi aur hai Main kisi ke dast-e-talab mein hoon to kisi ke harf-e-dua mein hoon Main naseeb hoon kisi aur ka mujhe maangta koi aur hai Ajab aitbaar-o-be-aitbari ke darmiyan hai zindagi Main qareeb hoon kisi aur ke mujhe jaanta koi aur hai Meri roshni tere khad-o-khaal se mukhtalif to nahin magar Tu qareeb aa tujhe dekh loon tu wahi hai ya koi aur hai Tujhe dushmanon ki khabar na thi mujhe doston ka pata nahin Teri daastaan koi aur thi mera waqia koi aur hai Wahi munsifon ki riwayatain wahi faislon ki ibaratain Mera jurm to koi aur tha pe meri saza koi aur hai Kabhi laut aayen to poochhna nahin dekhna unhein gaur se Jinhein raaste mein khabar hui ke yeh raasta koi aur hai Jo meri riyazat-e-neem shab ko Saleem subah na mil saki To phir iske ma'ani to yeh hue ke yahan Khuda koi aur hai