میری طلب، مری رسوائیوں کے بعد کُھلا
میری طلب، مری رسوائیوں کے بعد کُھلا وہ کم سُخن، سُخن آرائیوں کے بعد کُھلا وہ میرے ساتھ ہے اور مجھ سے ہمکلام بھی ہے یہ ایک عُمر کی تنہائیوں کے بعد کُھلا میں خُود بھی تیرے اندھیروں پہ مُنکشف نہ ہوا ترا وجود بھی پرچھائیوں کے بعد کُھلا عجب طلسمِ خموشی تھا گھر کا سناٹا جو بام و دَر کی شناسائیوں کے بعد کُھلا میں آب و خاک سے مانُوس تھا، پر کیا کرتا دَرِ قفس مری بینائیوں کے بعد کُھلا مجھے یہ جنگ بہرحال جیتنی تھی، مگر نیا محاذ ہی پسپائیوں کے بعد کُھلا مجھے بھی تنگئ آفاق کا گِلہ ہے سلیم یہ بھید مجھ پہ بھی گہرائیوں کے بعد کُھلا
English rendering
Meri talab, meri ruswaiyon ke baad khula Woh kam-sukhan, sukhan-aaraiyon ke baad khula Woh mere saath hai aur mujh se hamkalaam bhi hai Yeh ek umr ki tanhaiyon ke baad khula Main khud bhi tere andheron pe munkashif na hua Tera wajood bhi parchhaiyon ke baad khula Ajab tilism-e-khamoshi tha ghar ka sannaata Jo baam-o-dar ki shanasaiyon ke baad khula Main aab-o-khaak se maanoos tha, par kya karta Dar-e-qafas meri beenaiyon ke baad khula Mujhe yeh jang behr-haal jeetni thi, magar Naya mahaz hi paspaiyon ke baad khula Mujhe bhi tangi-e-afaaq ka gila hai Saleem Yeh bhed mujh pe bhi gehraiyon ke baad khula