ہمیں پتہ ہے کہ پرچہ برا نہیں آیا
ہمیں پتہ ہے کہ پرچہ برا نہیں آیا مگر تمہارا پڑھایا ہوا نہیں آیا کسی کے حال پہ ہنسنے گیا تھا محفل میں مگر میں لوٹ کے ہنستا ہوا نہیں آیا میں شرمسار کہ پھر دیر ہو گئی مجھ کو وہ سوچتا ہے کہ اچھا ہوا نہیں آیا ہماری چیخ نے اک بھیڑ تو اکٹھا کی مگر ہمارا پکارا ہوا نہیں آیا تری طرح نہیں آسان واپسی میری میں راستوں کو سمجھتا ہوا نہیں آیا چنی وہ بس کہ زیادہ تھیں لڑکیاں جس میں بچھڑ کے تجھ سے میں روتا ہوا نہیں آیا
English rendering
hameñ pata hai ki parcha burā nahīñ aaya magar tumhārā paḌhāyā huā nahīñ aaya kisī ke haal pe hañsne gayā thā mahfil meñ magar maiñ lauT ke hañstā huā nahīñ aaya maiñ sharmsār ki phir der ho ga.ī mujh ko vo sochtā hai ki achchhā huā nahīñ aaya hamārī chīḳh ne ik bhiiḌ to ikaTThā kī magar hamārā pukārā huā nahīñ aaya tirī tarah nahīñ āsān vāpsī merī maiñ rāstoñ ko samajhtā huā nahīñ aaya chunī vo bas ki ziyāda thiiñ laḌkiyāñ jis meñ bichhaḌ ke tujh se meñ rotā huā nahīñ aaya