میرے حصے کی گالی
ہاں وہ گالی بھی مرے حصے کی میری ہی طرح گھر سے نکلتی ہے پرانی سائیکل پر بیٹھ کر اسے بھی یہ نہیں معلوم ہوتا کہ وہ کس منہ پہ تھوکی جائے گی آج ادھر میں بھی نہا دھو کر نکل آتا ہوں باہر ڈھونڈھنے وہ موڑ وہ محفل جہاں ٹکراؤں گا اس سے کہیں یہ میری ذمے داریوں میں ہے کہ وہ حالات پیدا کر سکوں جس میں کسی گالی سے میرے کان تک کا راستہ آسان ہو جائے اور یہ سب اس طرح ہوتا ہے میرے ساتھ کہ سوچوں تو عقل حیران ہو جائے
English rendering
haañ vo gaalī bhī mire hisse kī merī hī tarah ghar se nikaltī hai purānī cycle par baiTh kar use bhī ye nahīñ mā'lūm hotā ki vo kis muñh pe thūkī jā.egī aaj idhar maiñ bhī nahā dho kar nikal aatā huuñ bāhar DhūñDhne vo moḌ vo mahfil jahāñ Takrā.ūñgā us se kahīñ ye merī zimmedāriyoñ meñ hai ki vo hālāt paidā kar sakūñ jis meñ kisī gaalī se mere kaan tak kā rāsta āsān ho jaa.e aur ye sab is tarah hotā hai mere saath ki sochūñ to 'aql hairān ho jaa.e