جنازے میں تو آؤ گے نہ میرے
کبھی میں زندگی کی ناز برداری نہ کر پایا ہمیشہ بیچ میں حائل رہا اک خواب پاگل خواب سوتے جاگتے جو دیکھتا ہوں میں کہ سر ہی سر جنازے میں ہیں میرے اور میں بانوں کی نئی اک چارپائی پر سکوں کے ساتھ لیٹا ہنس رہا ہوں اک ایسی بھیڑ پر جو مجھ کو کاندھا دینے کے لیے آپس میں جھگڑا کر رہی ہے مجھے یہ زندگی پیروں تلے جتنا کچلتی ہے مری اس خواب سے وابستگی بڑھتی ہی جاتی ہے مرے جیسے کسی گمنام سے اک شخص کی آنکھوں نے ایسا خواب کیوں دیکھا کہاں دیکھا یہ خود میرے لیے بھی اک پہیلی ہے مگر ہنسئے نہیں اس خواب پر میرے مرا یہ خواب ہی تو وہ کڑی ہے جو مجھ کو زندگی سے جوڑتی ہے نہ جانے کب سے وہ فہرست میں تیار کرنے لگا ہوں لکھے ہیں نام جس میں ایسے لوگوں کے جنازے میں جنہیں ہونا ہی ہونا چاہیئے میرے سو ان لوگوں سے رشتے بھی بہت ہموار ہونا چاہیئے میرے میں یہ بھی جانتا ہوں مجھے جس شان سے مرنے کی خواہش ہے وہ محنت مانگتی ہے کسی حد تک بھی جھک کر دشمنوں سے صلح کر لینے کی ہمت مانگتی ہے محبت مانگتی ہے دعائیں مانگتا ہوں زندگی کی اس لیے میں کہ مجھ کو وہ تھوڑا وقت مل جائے نئے رشتے بنانے کا تعلق گہرے کرنے کا وگرنہ کیوں بھلا آئے گا کوئی موت کے دن گھر پہ میرے سنک کہہ لو کہ پاگل پن ادھر آ کر مری یہ دھن یہاں تک بڑھ گئی ہے کہ اب میں دوستوں سے خوشی کی محفلوں میں بھی یہ اکثر پوچھ لیتا ہوں جنازے میں تو آؤ گے نہ میرے؟ یہاں چاہو تو ہنس سکتے ہو مجھ پر مگر لاشے پہ تو آنسو بہاؤ گے نہ میرے؟ وہ ہنس دیتے ہیں میری بات پر اور میں کہیں اندر سے جیسے ٹوٹ جاتا ہوں مگر جب بھی کبھی ایسا ہوا ہے جنازے نے مجھے کاندھا دیا ہے مجھے جب بھی لگا ایسا کہ میں اب تھک رہا ہوں گر رہا ہوں مرے اس خواب نے مرے اپنے جنازے نے مجھے کاندھا دیا ہے
English rendering
kabhī maiñ zindagī kī nāz-bardārī na kar paayā hamesha biich meñ haa.il rahā ik ḳhvāb pāgal ḳhvāb sote jāgte jo dekhtā huuñ maiñ ki sar hī sar janāze meñ haiñ mere aur maiñ bānoñ kī na.ī ik chārpā.ī par sukūñ ke saath leTā hañs rahā huuñ ik aisī bhiiḌ par jo mujh ko kāñdhā dene ke liye aapas meñ jhagḌā kar rahī hai mujhe ye zindagī pairoñ-tale jitnā kuchaltī hai mirī is ḳhvāb se vābastagī baḌhtī hī jaatī hai mire jaise kisī gumnām se ik shaḳhs kī āñkhoñ ne aisā ḳhvāb kyuuñ dekhā kahāñ dekhā ye ḳhud mere liye bhī ik pahelī hai magar hañsiye nahīñ is ḳhvāb par mere mirā ye ḳhvāb hī to vo kaḌī hai jo mujh ko zindagī se joḌtī hai na jaane kab se vo fahrist maiñ tayyār karne lagā huuñ likhe haiñ naam jis meñ aise logoñ ke janāze meñ jinheñ honā hī honā chāhiye mere so un logoñ se rishte bhī bahut hamvār honā chāhiye mere maiñ ye bhī jāntā huuñ mujhe jis shaan se marne kī ḳhvāhish hai vo mehnat māñgtī hai kisī had tak bhī jhuk kar dushmanoñ se sulh kar lene kī himmat māñgtī hai mohabbat māñgtī hai duā.eñ māñgtā huuñ zindagī kī is liye maiñ ki mujh ko vo thoḌā vaqt mil jaa.e na.e rishte banāne kā ta.alluq gahre karne kā vagarna kyuuñ bhalā aa.egā koī maut ke din ghar pe mere sanak kah lo ki pāgal-pan idhar aa kar mirī ye dhun yahāñ tak baḌh ga.ī hai ki ab maiñ dostoñ se ḳhushī kī mahfiloñ meñ bhī ye aksar pūchh letā huuñ janāze meñ to aaoge na mere? yahāñ chāho to hañs sakte ho mujh par magar lāshe pe to aañsū bahāoge na mere? vo hañs dete haiñ merī baat par aur maiñ kahīñ andar se jaise TuuT jaatā huuñ magar jab bhī kabhī aisā huā hai janāze ne mujhe kāñdhā diyā hai mujhe jab bhī lagā aisā ki maiñ ab thak rahā huuñ gir rahā huuñ mire is ḳhvāb ne mire apne janāze ne mujhe kāñdhā diyā hai