کم سے کم دنیا سے اتنا مرا رشتہ ہو جائے
کم سے کم دنیا سے اتنا مرا رشتہ ہو جائے کوئی میرا بھی برا چاہنے والا ہو جائے اسی مجبوری میں یہ بھیڑ اکٹھا ہے یہاں جو ترے ساتھ نہیں آئے وہ تنہا ہو جائے شکر اس کا ادا کرنے کا خیال آئے کسے ابر جب اتنا گھنا ہو کہ اندھیرا ہو جائے ہاں نہیں چاہئے اس درجہ محبت تیری کہ مرا سچ بھی ترے جھوٹ کا حصہ ہو جائے بند آنکھوں نے سرابوں سے بچایا ہے مجھے آنکھ والا ہو تو اس کھیل میں اندھا ہو جائے میں بھی قطرہ ہوں تری بات سمجھ سکتا ہوں یہ کہ مٹ جانے کے ڈر سے کوئی دریا ہو جائے بس اسی بات پہ آئینوں سے بگڑی میری چاہتا تھا مرا اپنا کوئی چہرہ ہو جائے بزم یاراں میں یہی رنگ تو دیتے ہیں مزہ کوئی روئے تو ہنسی سے کوئی دہرا ہو جائے
English rendering
kam se kam duniyā se itnā mirā rishta ho jaa.e koī merā bhī burā chāhne vaalā ho jaa.e isī majbūrī meñ ye bhiiḌ ikaTThā hai yahāñ jo tire saath nahīñ aa.e vo tanhā ho jaa.e shukr us kā adā karne kā ḳhayāl aa.e kise abr jab itnā ghanā ho ki añdherā ho jaa.e haañ nahīñ chāhiye us darja mohabbat terī ki mirā sach bhī tire jhuuT kā hissa ho jaa.e band āñkhoñ ne sarāboñ se bachāyā hai mujhe aañkh vaalā ho to is khel meñ andhā ho jaa.e maiñ bhī qatra huuñ tirī baat samajh saktā huuñ ye ki miT jaane ke Dar se koī dariyā ho jaa.e bas isī baat pe ā.īnoñ se bigḌī merī chāhtā thā mirā apnā koī chehra ho jaa.e bazm-e-yārāñ meñ yahī rañg to dete haiñ maza koī ro.e to hañsī se koī dohrā ho jaa.e