وحشت رضا علی

English rendering

Bahar aayi hai aaraish-e-chaman ke liye Meri bhi tab-e-ko tehreek hai sukhan ke liye Khayal tak na kiya ahl-e-anjuman ne kabhi Tamaam raat jali shama-e-anjuman ke liye Watan mein aankh churate hain hum se ahl-e-watan Tarapte rehte hain ghurbat mein hum watan ke liye Chaman ke daam se jaenge hum kahan sayyad Qafas fuzool hai parwarda-e-chaman ke liye Main qaid-e-ashk se azad hun mohabbat mein Ke tujh ko shama banana hai anjuman ke liye Zaban-e-ahl-e-baseerat pe arz-e-hairat hai Sukoot daad hai goya mere sukhan ke liye Frogh-e-tab-e-khudadad garche tha Wahshat Riyaz kam na kiya hum ne kasb-e-fan ke liye