جو تجھ سے شور تبسم ذرا کمی ہوگی
جو تجھ سے شور تبسم ذرا کمی ہوگی ہمارے زخم جگر کی بڑی ہنسی ہوگی رہا نہ ہوگا مرا شوق قتل بے تحسیں زبان خنجر قاتل نے داد دی ہوگی تری نگاہ تجسس بھی پا نہیں سکتی اس آرزو کو جو دل میں کہیں چھپی ہوگی مرے تو دل میں وہی شوق ہے جو پہلے تھا کچھ آپ ہی کی طبیعت بدل گئی ہوگی بجھی دکھائی تو دیتی ہے آگ الفت کی مگر وہ دل کے کسی گوشے میں دبی ہوگی کوئی غزل میں غزل ہے یہ حضرت وحشتؔ خیال تھا کہ غزل آپ نے کہی ہوگی
English rendering
Jo tujh se shor-e-tabassum zara kami hogi Hamare zakhm-e-jigar ki badi hansi hogi Raha na hoga mera shauq-e-qatl be-tehseen Zaban-e-khanjar-e-qatil ne dad di hogi Teri nigah-e-tajassus bhi pa nahin sakti Is arzoo ko jo dil mein kahin chhupi hogi Mere to dil mein wahi shauq hai jo pehle tha Kuchh aap hi ki tabiyat badal gayi hogi Bujhi dikhai to deti hai aag ulfat ki Magar woh dil ke kisi goshe mein dabbi hogi Koi ghazal mein ghazal hai ye Hazrat Wahshatؔ Khayal tha ke ghazal aap ne kahi hogi