میں نے مانا کام ہے نالہ دل ناشاد کا
میں نے مانا کام ہے نالہ دل ناشاد کا ہے تغافل شیوہ آخر کس ستم ایجاد کا ہائے وہ دل جو ہدف تھا ناوک بیداد کا درد سہتا ہے وہی اب غفلت صیاد کا نرگس مستانہ میں کیفیت جام شراب قامت رعنا پہ عالم مصرعۂ استاد کا مانع فریاد ہے کچھ طبع کی افسردگی کچھ سکوت آموز ہے پاس ادب صیاد کا اس قدر دل کش رہا تیرا اگر انداز جور زخم دل منہ چوم لے گا خنجر بیداد کا مجلس ماتم بنی آنے سے ان کے بزم عیش پڑ گیا پھولوں میں میرے غل مبارک باد کا تو نہ کر ترک ستم ظالم ستم ہو جائے گا جان سے جائے گا خوگر لذت بیداد کا درد ناکام ہجوم آرزو کا ہے مآل تلخئ حسرت نتیجہ شوق الفت زاد کا حسرت افزا ہے بہت میرے دل ویراں کا جال کون ہے فرماں روا اس ملک غیر آباد کا لطف ہی آتا رہا ہے سعی باطل میں مجھے ہے یہاں افسوس کس کو محنت برباد کا کھینچ کر لے چل مجھے شوق اسیری سوئے دام کام ایسا کر کہ جس سے جی بڑھے صیاد کا کس کو شکوہ ہجر کا اور کس کو حسرت وصل کی لطف پروردہ ہے میرا دل کسی کی یاد کا یہ ادائے دلربایانہ یہ انداز حیا کس طرح پھر کام کرتی ہے نظر جلاد کا وحشتؔ اس بت نے تغافل جب کیا اپنا شعار کام خاموشی سے میں نے بھی لیا فریاد کا
English rendering
Maine mana kaam hai nala-e-dil-e-nashad ka Hai taghaful shaiwa aakhir kis sitam ijad ka Haaye wo dil jo hadaf tha nawak-e-bedaad ka Dard sahta hai wahi ab ghaflat-e-sayyaad ka Nargis-e-mastana mein kaifiyat-e-jaam-e-sharab Qamat-e-rana pe aalam misra-e-ustaad ka Mane-e-faryaad hai kuch tab' ki afsurdagi Kuch sukoot-aamoz hai pas-e-adab-e-sayyaad ka Is qadar dil-kash raha tera agar andaaz-e-jaur Zakhm-e-dil munh choom lega khanjar-e-bedaad ka Majlis-e-maatam bani aane se unke bazm-e-aish Pad gaya phoolon mein mere ghul mubarakbaad ka Tu na kar tark-e-sitam zaalim sitam ho jaega Jaan se jaega khugar-e-lazzat-e-bedaad ka Dard-e-nakaam hujoom-e-aarzoo ka hai maal Talkhi-e-hasrat natija-e-shauq-e-ulfat-zaad ka Hasrat afza hai bahut mere dil-e-veeraan ka jaal Kaun hai farmaan-rawa is mulk-e-ghair-aabaad ka Lutf hi aata raha hai sa'i-e-batil mein mujhe Hai yahan afsos kis ko mehnat-e-barbaad ka Kheench kar le chal mujhe shauq-e-aseeri soo-e-daam Kaam aisa kar ke jis se jee badhe sayyaad ka Kis ko shikwa-e-hijr ka aur kis ko hasrat-e-wasl ki Lutf parwarda hai mera dil kisi ki yaad ka Ye ada-e-dilrubayana ye andaaz-e-haya Kis tarah phir kaam karti hai nazar-e-jallad ka Wahshat! us but ne taghaful jab kiya apna shi'ar Kaam khamoshi se main ne bhi liya faryaad ka