وفائے دوستاں کیسی جفائے دشمناں کیسی
وفائے دوستاں کیسی جفائے دشمناں کیسی نہ پوچھا ہو کسی نے جس کو اس کی داستاں کیسی کچھ ایسا احترام درد الفت ہے مرے دل کو خموشی حکمراں ہے آہ و فریاد و فغاں کیسی کسی کو فکر آزادی نہیں اس قید رنگیں سے دل عالم پہ ہے چھائی ہوئی مہر بتاں کیسی بھلا ہی دیتے ہیں اس کو جو گزرا بزم عالم سے ہے سب کو اپنی اپنی فکر یاد رفتگاں کیسی تمہارا مدعا ہی جب سمجھ میں کچھ نہیں آیا تو پھر مجھ پر نظر ڈالی یہ تم نے مہرباں کیسی ابھی ہوتے اگر دنیا میں داغؔ دہلوی زندہ تو وہ سب کو بتا دیتے ہے وحشتؔ کی زباں کیسی
English rendering
Wafa-e-dostaan kaisi jafa-e-dushmanaan kaisi Na poochha ho kisi ne jis ko us ki daastaan kaisi Kuchh aisa ehtiraam-e-dard-e-ulfat hai mere dil ko Khamoshi hukmraan hai aah-o-faryaad-o-fughaan kaisi Kisi ko fikr-e-aazadi nahin is qaid-e-rangeen se Dil-e-aalam pe hai chhayi hui mehr-e-butaan kaisi Bhula hi dete hain us ko jo guzra bazm-e-aalam se Hai sab ko apni apni fikr yaad-e-raftagaan kaisi Tumhara muddaa hi jab samajh mein kuchh nahin aaya To phir mujh par nazar daali yeh tum ne meherbaan kaisi Abhi hote agar duniya mein Dagh Dehlvi zinda To woh sab ko bata dete hai Wahshat ki zabaan kaisi