وو صنم جب سوں بسا دیدۂ حیران میں آ
وو صنم جب سوں بسا دیدۂ حیران میں آ آتش عشق پڑی عقل کے سامان میں آ ناز دیتا نہیں گر رخصت گل گشت چمن اے چمن زار حیا دل کے گلستان میں آ عیش ہے عیش کہ اس مہ کا خیال روشن شمع روشن کیا مجھ دل کے شبستاں میں آ یاد آتا ہے مجھے وو دو گل باغ وفا اشک کرتے ہیں مکاں گوشۂ دامان میں آ موج بے تابیٔ دل اشک میں ہوئی جلوہ نما جب بسی زلف صنم طبع پریشان میں آ نالہ و آہ کی تفصیل نہ پوچھو مجھ سوں دفتر درد بسا عشق کے دیوان میں آ پنجۂ عشق نے بیتاب کیا جب سوں مجھے چاک دل تب سوں بسا چاک گریبان میں آ دیکھ اے اہل نظر سبزۂ خط میں لب لعل رنگ یاقوت چھپا ہے خط ریحاں میں آ حسن تھا پردۂ تجرید میں سب سوں آزاد طالب عشق ہوا صورت انسان میں آ شیخ یہاں بات تری پیش نہ جاوے ہرگز عقل کوں چھوڑ کے مت مجلس رندان میں آ درد منداں کو بجز درد نہیں صید مراد اے شہ ملک جنوں غم کے بیابان میں آ حاکم وقت ہے تجھ گھر میں رقیب بد خو دیو مختار ہوا ملک سلیمان میں آ چشمۂ آب بقا جگ میں کیا ہے حاصل یوسف حسن ترے چاہ زنخدان میں آ جگ کے خوباں کا نمک ہو کے نمک پروردہ چھپ رہا آ کے ترے لب کے نمک دان میں آ بس کہ مجھ حال سوں ہمسر ہے پریشانی میں درد کہتی ہے مرا زلف ترے کان میں آ غم سوں تیرے ہے ترحم کا محل حال ولیؔ ظلم کو چھوڑ سجن شیوۂ احسان میں آ
English rendering
Wo sanam jab son basa dida-e-hairan mein aa Aatish-e-ishq paDi aql ke saman mein aa Naz deta nahin gar rukhsat-e-gulgasht-e-chaman Ae chaman-zar-e-haya dil ke gulistan mein aa Aish hai aish ke is mah ka khayal-e-raushan Sham-e-raushan kiya mujh dil ke shabistan mein aa Yaad aata hai mujhe woh do gul-e-bagh-e-wafa Ashk karte hain makan gosha-e-daman mein aa Mauj-e-betaabi-e-dil ashk mein hui jalwa numa Jab basi zulf-e-sanam tab-e-pareshan mein aa Nala o aah ki tafsil na puchho mujh son Daftar-e-dard basa ishq ke diwan mein aa Panja-e-ishq ne betaab kiya jab son mujhe Chak-e-dil tab son basa chak-e-gireban mein aa Dekh ae ahl-e-nazar sabza-e-khat mein lab-e-la'al Rang-e-yaqoot chhupa hai khat-e-raihan mein aa Husn tha parda-e-tajrid mein sab son azad Talib-e-ishq hua surat-e-insan mein aa Shaikh yahan baat teri pesh na jaave hargiz Aql koñ chhod ke mat majlis-e-rindan mein aa Dardmandan ko bajuz dard nahin said-e-murad Ae shah-e-mulk-e-junun gham ke biyaban mein aa Hakim-e-waqt hai tujh ghar mein raqib-e-bad-khu Dev mukhtar hua mulk-e-Sulaiman mein aa Chashma-e-ab-e-baqa jug mein kya hai hasil Yusuf-e-husn tere chah-e-zanakhdan mein aa Jug ke khuban ka namak ho ke namak-parwarda Chhup raha aa ke tere lab ke namakdan mein aa Bas ke mujh haal son hamsar hai pareshani mein Dard kehti hai mera zulf tere kaan mein aa Gham son tere hai tarahum ka mahal haal Wali Zulm ko chhod sajjan shaiwa-e-ehsan mein aa