بھلا غموں سے کہاں ہار جانے والے تھے
بھلا غموں سے کہاں ہار جانے والے تھے ہم آنسوؤں کی طرح مسکرانے والے تھے ہمیں نے کر دیا اعلان گمرہی ورنہ ہمارے پیچھے بہت لوگ آنے والے تھے انہیں تو خاک میں ملنا ہی تھا کہ میرے تھے یہ اشک کون سے اونچے گھرانے والے تھے انہیں قریب نہ ہونے دیا کبھی میں نے جو دوستی میں حدیں بھول جانے والے تھے میں جن کو جان کے پہچان بھی نہیں سکتا کچھ ایسے لوگ مرا گھر جلانے والے تھے ہمارا المیہ یہ تھا کہ ہم سفر بھی ہمیں وہی ملے جو بہت یاد آنے والے تھے وسیمؔ کیسی تعلق کی راہ تھی جس میں وہی ملے جو بہت دل دکھانے والے تھے
English rendering
Bhala ghamon se kahan haar jaane wale the Hum aansuon ki tarah muskurane wale the Hamein ne kar diya elaan-e-gumrahi varna Hamare pichhe bahut log aane wale the Inhen to khak mein milna hi tha ke mere the Yeh ashk kaun se unche gharane wale the Inhen qareeb na hone diya kabhi main ne Jo dosti mein hadein bhool jaane wale the Main jin ko jaan ke pehchan bhi nahin sakta Kuch aise log mera ghar jalane wale the Hamara almiya yeh tha ke humsafar bhi hamein Wahi mile jo bahut yaad aane wale the Wasim kaisi ta'alluq ki rah thi jismein Wahi mile jo bahut dil dukhane wale the