شام تک صبح کی نظروں سے اتر جاتے ہیں
شام تک صبح کی نظروں سے اتر جاتے ہیں اتنے سمجھوتوں پہ جیتے ہیں کہ مر جاتے ہیں پھر وہی تلخئ حالات مقدر ٹھہری نشے کیسے بھی ہوں کچھ دن میں اتر جاتے ہیں اک جدائی کا وہ لمحہ کہ جو مرتا ہی نہیں لوگ کہتے تھے کہ سب وقت گزر جاتے ہیں گھر کی گرتی ہوئی دیواریں ہی مجھ سے اچھی راستہ چلتے ہوئے لوگ ٹھہر جاتے ہیں ہم تو بے نام ارادوں کے مسافر ہیں وسیمؔ کچھ پتہ ہو تو بتائیں کہ کدھر جاتے ہیں
English rendering
Sham tak subh ki nazron se utar jaate hain Itne samjhauton pe jeete hain ke mar jaate hain Phir wahi talkhi-e-halaat muqaddar thehri Nashe kaise bhi hon kuch din mein utar jaate hain Ek judai ka woh lamha ke jo marta hi nahin Log kehte the ke sab waqt guzar jaate hain Ghar ki girti hui deewaren hi mujh se achhi Rasta chalte hue log thehar jaate hain Hum to be-naam iradon ke musafir hain Waseem Kuch pata ho to batayen ke kidhar jaate hain