اسے سمجھنے کا کوئی تو راستہ نکلے
اسے سمجھنے کا کوئی تو راستہ نکلے میں چاہتا بھی یہی تھا وہ بے وفا نکلے کتاب ماضی کے اوراق الٹ کے دیکھ ذرا نہ جانے کون سا صفحہ مڑا ہوا نکلے میں تجھ سے ملتا تو تفصیل میں نہیں جاتا مری طرف سے ترے دل میں جانے کیا نکلے جو دیکھنے میں بہت ہی قریب لگتا ہے اسی کے بارے میں سوچو تو فاصلہ نکلے تمام شہر کی آنکھوں میں سرخ شعلے ہیں وسیمؔ گھر سے اب ایسے میں کوئی کیا نکلے
English rendering
Use samajhne ka koi to rasta nikle Main chahta bhi yahi tha woh be-wafa nikle Kitab-e-maazi ke awraq ulat ke dekh zara Na jaane kaun sa safha muda hua nikle Main tujh se milta to tafseel mein nahin jaata Meri taraf se tere dil mein jaane kya nikle Jo dekhne mein bahut hi qareeb lagta hai Usi ke bare mein socho to fasla nikle Tamam shahar ki aankhon mein surkh sho'le hain Waseem ghar se ab aise mein koi kya nikle