زندگی تجھ پہ اب الزام کوئی کیا رکھے
زندگی تجھ پہ اب الزام کوئی کیا رکھے اپنا احساس ہی ایسا ہے جو تنہا رکھے کن شکستوں کے شب و روز سے گزرا ہوگا وہ مصور جو ہر اک نقش ادھورا رکھے خشک مٹی ہی نے جب پاؤں جمانے نہ دیئے بہتے دریا سے پھر امید کوئی کیا رکھے آ غم دوست اسی موڑ پہ ہو جاؤں جدا جو مجھے میرا ہی رہنے دے نہ تیرا رکھے آرزوؤں کے بہت خواب تو دیکھو ہو وسیمؔ جانے کس حال میں بے درد زمانہ رکھے
English rendering
Zindagi tujh pe ab ilzam koi kya rakhe Apna ehsaas hi aisa hai jo tanha rakhe Kin shikaston ke shab-o-roz se guzra hoga Woh musavvir jo har ek naqsh adhura rakhe Khushk mitti hi ne jab paon jamane na diye Behte darya se phir ummeed koi kya rakhe A gham-e-dost isi mod pe ho jaun juda Jo mujhe mera hi rehne de na tera rakhe Arzuon ke bahut khwab to dekho ho Waseem Jane kis haal mein be-dard zamana rakhe