کٹھور راہیں
کٹھور راہیں جو الجھے دھاگوں کا ایک گچھا سا بن گئی ہیں نہ ان کو رنگوں کی تیز برکھا سے کچھ غرض ہے وہ تیز برکھا جو منہ اندھیرے کسی پجارن کے کپکپاتے سفید ہونٹوں پہ ناچتی ہے نہ ان کی منزل وہ شام غم ہے جو ایک میلا سا طشت لے کر مسافروں سے لہو کے قطروں کی بھیک رو رو کے مانگتی ہے دہکتے تارے حزیں دعائیں لرزتے ہاتھوں سے بانٹتی ہے کٹھور راہیں تو آگے بڑھ کر ادا دکھا کر پلٹ گئی ہیں پلٹ کے پہلو بدل گئی ہیں گھنیری شب اپنی کالی کملی میں گم کھڑی ہے یہ سوچتی ہے بھنور کی بے نور چشم تر میں کوئی سا سیدھا سفید رستہ ابھر کے چمکے تو شب کا راہی ادھر کو لپکے یہ شب کا راہی سمے کے دھارے پہ بہتے بہتے بھنور کی صورت ابھر گیا ہے ہزار راہوں میں گھر گیا ہے
English rendering
Kathor raahein Jo uljhe dhaagon ka ek guchha sa ban gayi hain Na inko rangon ki tez barkha se kuch gharaz hai Woh tez barkha jo munh andhere Kisi pujaran ke kapkapate safed honton pe naachti hai Na inki manzil woh sham-e-gham hai jo ek maila sa tasht le kar Musafiron se lahoo ke qatron ki bheek ro ro ke maangti hai Dehakte taare hazeen duayein larazte haathon se baant'ti hai Kathor raahein to aage badh kar ada dikha kar palat gayi hain Palat ke pehlu badal gayi hain Ghanaeri shab apni kaali kamli mein gum khadi hai Yeh sochti hai Bhanwar ki be-noor chashm-e-tar mein Koi sa seedha safed rasta ubhar ke chamke To shab ka raahi idhar ko lapke Yeh shab ka raahi Samey ke dhaare pe behte behte bhanwar ki soorat ubhar gaya hai Hazaar raahon mein ghar gaya hai