آگ کا رشتہ نکل آئے کوئی پانی کے ساتھ
آگ کا رشتہ نکل آئے کوئی پانی کے ساتھ زندہ رہ سکتا ہوں ایسی ہی خوش امکانی کے ساتھ تم ہی بتلاؤ کہ اس کی قدر کیا ہوگی تمہیں جو محبت مفت میں مل جائے آسانی کے ساتھ بات ہے کچھ زندہ رہ جانا بھی اپنا آج تک لہر تھی آسودگی کی بھی پریشانی کے ساتھ چل رہا ہے کام سارا خوب مل جل کر یہاں کفر بھی چمٹا ہوا ہے جذب ایمانی کے ساتھ فرق پڑتا ہے کوئی لوگوں میں رہنے سے ضرور شہر کے آداب تھے اپنی بیابانی کے ساتھ یہ وہ دنیا ہے کہ جس کا کچھ ٹھکانا ہی نہیں ہم گزارہ کر رہے ہیں دشمن جانی کے ساتھ رائیگانی سے ذرا آگے نکل آئے ہیں ہم اس دفعہ تو کچھ گرانی بھی ہے ارزانی کے ساتھ اپنی مرضی سے بھی ہم نے کام کر ڈالے ہیں کچھ لفظ کو لڑوا دیا ہے بیشتر معنی کے ساتھ فاصلوں ہی فاصلوں میں جان سے ہارا ظفرؔ عشق تھا لاہوریے کو ایک ملتانی کے ساتھ
English rendering
Aag ka rishta nikal aaye koi pani ke saath Zinda rah sakta huun aisi hi khush-imkani ke saath Tum hi batlao ki us ki qadr kya hogi tumhein Jo mohabbat muft mein mil jaay aasani ke saath Baat hai kuch zinda rah jaana bhi apna aaj tak Lehr thi asoodgi ki bhi pareshani ke saath Chal raha hai kaam sara khoob mil jul kar yahan Kufr bhi chimta hua hai jazb-e-imani ke saath Farq padta hai koi logon mein rehne se zarur Shehr ke aadab the apni biyabani ke saath Ye wo duniya hai ki jis ka kuch thikana hi nahin Hum guzara kar rahe hain dushman-e-jaani ke saath Raaigani se zara aage nikal aaye hain hum Is dafa to kuch girani bhi hai arzani ke saath Apni marzi se bhi hum ne kaam kar dale hain kuch Lafz ko ladwa diya hai beshtar ma'ani ke saath Faaslon hi faaslon mein jaan se hara Zafar Ishq tha Lahoriye ko ek Multani ke saath