آتش و انجماد ہے مجھ میں
آتش و انجماد ہے مجھ میں کیسا کیسا تضاد ہے مجھ میں خواب سے پہلے کچھ نہیں یکسر جو بھی ہے اس کے بعد ہے مجھ میں زخم کھلتے ہیں سانس گھٹتی ہے ایسی بست و کشاد ہے مجھ میں رنج دل ہے ہرا بھرا اب تک کوئی تو ہے جو شاد ہے مجھ میں دشمنی کا ہی رہ گیا سروکار ورنہ کس کا مفاد ہے مجھ میں کوئی اس کا سبب نہیں تو ہی یہ جو اتنا فساد ہے مجھ میں کوئی جلسہ ہے زور کا جیسے جس کا یہ انعقاد ہے مجھ میں جسے اب تک تلاش کرتا ہوں گم شدہ ایک یاد ہے مجھ میں آندھیاں سی جو چل رہی ہیں ظفرؔ صورت خاک و باد ہے مجھ میں
English rendering
Atish o injimad hai mujh mein Kaisa kaisa tazaad hai mujh mein Khwab se pehle kuch nahin yaksar Jo bhi hai us ke baad hai mujh mein Zakhm khulte hain saans ghutti hai Aisi bast o kushaad hai mujh mein Ranj-e-dil hai hara bhara ab tak Koi to hai jo shad hai mujh mein Dushmani ka hi rah gaya sarokar Warna kis ka mufad hai mujh mein Koi is ka sabab nahin tu hi Ye jo itna fasaad hai mujh mein Koi jalsa hai zor ka jaise Jis ka ye in'aqad hai mujh mein Jise ab tak talash karta huun Gum-shuda ek yaad hai mujh mein Aandhiyan si jo chal rahi hain Zafar Surat-e-khak o baad hai mujh mein