ہر طرف پھیلتی خوشبو کی حفاظت کرنا
ہر طرف پھیلتی خوشبو کی حفاظت کرنا غیر ممکن ہے ابھی تجھ سے محبت کرنا وصل ہو گا کہ نہیں چھوڑ دیا قسمت پر عشق میں بھی ہمیں آیا نہیں محنت کرنا اپنے اپنے تھے اصول اور نہیں تھا ممکن ایک کا دوسرے سے کوئی رعایت کرنا اتنے مجبور ہیں لیکن کبھی ملنے نہ گئے نہ ہی اس سے یہ کہا ہے کبھی زحمت کرنا چومنا چاہتے تھے ہم اگر آنکھیں اس کی محض مطلوب تھا اظہار عقیدت کرنا دل کا پھیلاؤ اگر چاروں طرف ہے موجود پھر مناسب ہے اسی دشت میں وحشت کرنا ہم کو استاد نے پہلا یہ پڑھایا تھا سبق کام جو سہل نظر آئے کبھی مت کرنا ترک الفت ہی کیا ہم نے کہ مشکل تھا ظفرؔ اک غلط سوچ کی تادیر حمایت کرنا
English rendering
Har taraf phailti khushboo ki hifazat karna Ghair mumkin hai abhi tujh se mohabbat karna Wasl hoga ke nahin chhoR diya qismat par Ishq mein bhi hamein aaya nahin mehnat karna Apne apne the usool aur nahin tha mumkin Ek ka doosre se koi ri'aayat karna Itne majboor hain lekin kabhi milne na gaye Na hi is se yeh kaha hai kabhi zahmat karna Choomna chahte the hum agar aankhein us ki Mahaz matloob tha izhaar-e-aqeedat karna Dil ka phailao agar chaaron taraf hai maujood Phir munasib hai isi dasht mein wehshat karna Hum ko ustaad ne pehla yeh paRhaaya tha sabaq Kaam jo sehl nazar aaye kabhi mat karna Tark-e-ulfat hi kiya hum ne ke mushkil tha Zafar! Ek ghalat soch ki ta'eed himayat karna