کھڑی ہے شام کہ خواب سفر رکا ہوا ہے
کھڑی ہے شام کہ خواب سفر رکا ہوا ہے یقین کیوں نہیں آتا اگر رکا ہوا ہے گزرنے والے تھے جو بھی گزر گئے لیکن میان راہ کوئی بے خبر رکا ہوا ہے برس رہا ہے نہ چھٹتا ہے یہ کئی دن سے جو ایک ابر مری خاک پر رکا ہوا ہے رواں بھی سلسلۂ اشک ہے ابھی کچھ کچھ یہ قافلہ جو کہیں بیشتر رکا ہوا ہے ابھی نکل نہیں سکتا گھروں سے کوئی یہاں کہ سیل آب ابھی در بدر رکا ہوا ہے ہر ایک شے ہے کسی راکھ میں بدلنے کو کہیں جو خانۂ خس میں شرر رکا ہوا ہے چلی ہوئی تھی مری بات جتنے زوروں سے اسی حساب سے اس کا اثر رکا ہوا ہے پہنچ سکے کسی منزل پہ کیا مسافر دل کہ چل رہا ہے بظاہر مگر رکا ہوا ہے یہ حرف و صوت کرشمے ہیں سب اسی کے ظفرؔ لہو کے ساتھ رگوں میں جو ڈر رکا ہوا ہے
English rendering
Khadi hai shaam ki khwab-e-safar ruka hua hai Yaqeen kyun nahin aata agar ruka hua hai Guzarne wale the jo bhi guzar gaye lekin Miyan-e-rah koi bekhabar ruka hua hai Baras raha hai na chhut-ta hai ye kai din se Jo ek abr meri khak par ruka hua hai Rawan bhi silsila-e-ashk hai abhi kuch kuch Ye qafla jo kahin beshtar ruka hua hai Abhi nikal nahin sakta gharon se koi yahan Ki sail-e-aab abhi dar badar ruka hua hai Har ek shai hai kisi rakh mein badalne ko Kahin jo khana-e-khas mein sharar ruka hua hai Chali hui thi meri baat jitne zoron se Isi hisab se us ka asar ruka hua hai Pahunch sake kisi manzil pe kya musafir dil Ki chal raha hai ba-zahir magar ruka hua hai Ye harf o saut karishme hain sab isi ke Zafar Lahu ke saath ragon mein jo dar ruka hua hai