یکسو بھی لگ رہا ہوں بکھرنے کے باوجود
یکسو بھی لگ رہا ہوں بکھرنے کے باوجود پوری طرح مرا نہیں مرنے کے باوجود اک دھوپ سی تنی ہوئی بادل کے آر پار اک پیاس ہے رکی ہوئی جھرنے کے باوجود اس کو بھی یاد کرنے کی فرصت نہ تھی مجھے مصروف تھا میں کچھ بھی نہ کرنے کے باوجود پہلا بھی دوسرا ہی کنارہ ہو جس طرح حالت وہی ہے پار اترنے کے باوجود اپنی طرف ہی رخ تھا وہاں واردات کا الزام اس کے نام پہ دھرنے کے باوجود حیراں ہوں مجھ میں اتنی یہ ہمت کہاں سے آئی کر ہی گیا ہوں کام جو ڈرنے کے باوجود ہونا پڑا نہ ہوتے ہوئے بھی مجھے یہاں کچھ یاد رہ گیا ہوں بسرنے کے باوجود جیسا بھی یہ سفر ہو ذرا غور کیجئے کیسا رواں دواں ہوں ٹھہرنے کے باوجود نکلا نہیں ہے کوئی نتیجہ یہاں ظفرؔ کرنے کے باوجود نہ بھرنے کے باوجود
English rendering
Yaksoo bhi lag raha huun bikharnay ke bawajood Puri tarah mira nahin marnay ke bawajood Ek dhoop si tani hui badal ke aar-paar Ek pyas hai ruki hui jharnay ke bawajood Us ko bhi yaad karne ki fursat na thi mujhe Masroof tha main kuch bhi na karne ke bawajood Pehla bhi dusra hi kinara ho jis tarah Halat wahi hai paar utarne ke bawajood Apni taraf hi rukh tha wahan wardaat ka Ilzam us ke naam pe dharne ke bawajood Hairan huun mujh mein itni ye himmat kahan se aai Kar hi gaya huun kaam jo darrne ke bawajood Hona pada na hote hue bhi mujhe yahan Kuch yaad rah gaya huun basarne ke bawajood Jaisa bhi ye safar ho zara ghaur kijiye Kaisa rawan-dawan huun theharne ke bawajood Nikla nahin hai koi natija yahan Zafar Karne ke bawajood na bharne ke bawajood