یہ بھی ممکن ہے کہ آنکھیں ہوں تماشا ہی نہ ہو
یہ بھی ممکن ہے کہ آنکھیں ہوں تماشا ہی نہ ہو راس آنے لگے ہم کو تو یہ دنیا ہی نہ ہو کہیں نکلے کوئی اندازہ ہمارا بھی غلط جانتے ہیں اسے جیسا کہیں ویسا ہی نہ ہو ہو کسی طرح سے مخصوص ہمارے ہی لیے یعنی جتنا نظر آتا ہے وہ اتنا ہی نہ ہو ٹکٹکی باندھ کے میں دیکھ رہا ہوں جس کو یہ بھی ہو سکتا ہے وہ سامنے بیٹھا ہی نہ ہو وہ کوئی اور ہو جو ساتھ کسی اور کے ہے اصل میں تو وہ ابھی لوٹ کے آیا ہی نہ ہو خواب در خواب چلا کرتا ہے آنکھوں میں جو شخص ڈھونڈنے نکلیں اسے اور کہیں رہتا ہی نہ ہو چمک اٹھا ہو ابھی روئے بیاباں اک دم اور یہ نظارہ کسی اور نے دیکھا ہی نہ ہو کیفیت ہی کوئی پانی نے بدل لی ہو کہیں ہم جسے دشت سمجھتے ہیں وہ دریا ہی نہ ہو مسئلہ اتنا بھی آسان نہیں ہے کہ ظفرؔ اپنے نزدیک جو سیدھا ہے وہ الٹا ہی نہ ہو
English rendering
Yeh bhi mumkin hai ke aankhein hon tamasha hi na ho Raas aane lage hum ko toh yeh dunya hi na ho Kahin nikle koi andaaza humara bhi ghalat Jaante hain use jaisa kahin waisa hi na ho Ho kisi tarah se makhsus humare hi liye Ya'ni jitna nazar aata hai woh itna hi na ho TiTki baandh ke main dekh raha hoon jis ko Yeh bhi ho sakta hai woh saamne baitha hi na ho Woh koi aur ho jo saath kisi aur ke hai Asl mein toh woh abhi lauT ke aaya hi na ho Khwab dar khwab chala karta hai aankhon mein jo shakhs DhoonDne niklein usey aur kahin rehta hi na ho Chamak uTtha ho abhi rooy-e-biyabaan ek dam Aur yeh nazaara kisi aur ne dekha hi na ho Kaifiyat hi koi paani ne badal li ho kahin Hum jise dasht samajhte hain woh darya hi na ho Mas'ala itna bhi aasaan nahin hai ke Zafar! Apne nazdeek jo seedha hai woh ulTa hi na ho