گناہ گاروں کی عذر خواہی ہمارے صاحب قبول کیجے
گناہ گاروں کی عذر خواہی ہمارے صاحب قبول کیجے کرم تمہارے کی کر توقع یہ عرض کیتے ہیں مان لیجے غریب عاجز جفا کے مارے فقیر بے کس گدا تمہارے سو ویں ستم سیں مریں بچارے اگر جو ان پر کرم نہ کیجے پڑے ہیں ہم بیچ میں بلا کے کرم کرو واسطے خدا کے ہوئے ہیں بندے تری رضا کے جو کچھ کے حق میں ہمارے کیجے بپت پڑی ہے جنہوں پے غم کی جگر میں آتش لگی الم کی کہاں ہے طاقت انہیں ستم کی کہ جن پہ ایتا عتاب کیجے ہمارے دل پہ جو کچھ کہ گزرا تمہارے دل پر اگر ہو ظاہر تو کچھ عجب نہیں پتھر کی مانند اگر یتھا دل کی سن پسیجے اگر گنہ بھی جو کچھ ہوا ہے کہ جس سیں ایتا ضرر ہوا ہے تو ہم سیں وہ بے خبر ہوا ہے دلوں سیں اس کوں بھلائے دیجے ہوئے ہیں ہم آبروؔ نشانے لگے ہیں طعنے کے تیر کھانے ترا برا ہو ارے زمانے بتا تو اس طرح کیوں کہ جیجے
English rendering
Gunahgaron ki uzr-khwahi hamare sahib qubool kijiye Karam tumhare ki kar tawaqqo' ye arz kehte hain maan lijiye Ghareeb aajiz jafa ke mare faqeer be-kas gada tumhare Sau vein sitam se marein bichare agar jo un par karam na kijiye Pade hain hum beech mein bala ke, karam karo waaste Khuda ke Hue hain bande teri raza ke, jo kuch ke haq mein hamare kijiye Bipat padi hai jinon pe gham ki, jigar mein aatish lagi alam ki Kahan hai taqat unhein sitam ki, ke jin pe itna itab kijiye Hamare dil pe jo kuch ke guzra, tumhare dil par agar ho zahir To kuch ajab nahin patthar ki manind agar ye tha dil ki sun paseeje Agar gunah bhi jo kuch hua hai, ke jis se itna zarar hua hai To hum se woh bekhabar hua hai, dilon se us ko bhulaye dijiye Hue hain hum Aabroo nishane, lage hain taane ke teer khane Tera bura ho are zamane, bata tu is tarah kyun ke jeeje