ایسا بھی نہیں اس سے ملا دے کوئی آ کر

ایسا بھی نہیں اس سے ملا دے کوئی آ کر کیسا ہے وہ اتنا تو بتا دے کوئی آ کر یہ بھی تو کسی ماں کا دلارا کوئی ہوگا اس قبر پہ بھی پھول چڑھا دے کوئی آ کر سوکھی ہیں بڑی دیر سے پلکوں کی زبانیں بس آج تو جی بھر کے رلا دے کوئی آ کر برسوں کی دعا پھر نہ کہیں خاک میں مل جائے یہ ابر بھی آندھی نہ اڑا دے کوئی آ کر یہ کوہ یہ سبزہ یہ مچلتی ہوئی ندیاں مر جاؤں جو منزل کا پتا دے کوئی آ کر ہر گھر پہ ہے آواز ہر اک در پہ ہے دستک بیٹھا ہوں کہ مجھ کو بھی صدا دے کوئی آ کر اس خواہش ناکام کا خوں بھی مرے سر ہے زندہ ہوں کہ اس کی بھی سزا دے کوئی آ کر

— عدیم ہاشمی

English rendering

Aisa bhi nahin us se mila de koi aa kar Kaisa hai woh itna to bata de koi aa kar Ye bhi to kisi maa ka dulara koi hoga Is qabr pe bhi phool chadha de koi aa kar Sookhi hain badi der se palkon ki zubaanein Bas aaj to ji bhar ke rula de koi aa kar Barson ki dua phir na kahin khaak mein mil jaaye Ye abr bhi aandhi na uda de koi aa kar Ye koh ye sabza ye machalti hui nadiyaan Mar jaaoon jo manzil ka pata de koi aa kar Har ghar pe hai awaaz har ek dar pe hai dastak Baitha hoon ke mujh ko bhi sada de koi aa kar Is khwahish-e-nakaam ka khoon bhi mere sar hai Zinda hoon ke is ki bhi saza de koi aa kar

‹ کلام کی فہرست پر واپس