کیوں میرے لب پہ وفاؤں کا سوال آ جائے
کیوں میرے لب پہ وفاؤں کا سوال آ جائے عین ممکن ہے اسے خود ہی خیال آ جائے ہجر کی شام بھی سینے سے لگا لیتا ہوں کیا خبر یونہی کبھی شامِ وصال آ جائے گھر اسی واسطے جنگل میں بدل ڈالا ہے شاید ایسے ہی ادھر میرا غزال آ جائے دھنک ابھرے سرِ افلاک کڑی دھوپ میں بھی دشتِ وحشت میں اگر تیرا خیال آ جائے کوئی تو اڑ کے دہکتا ہوا سورج ڈھانپے گرد ہی سر پہ گھٹاؤں کی مثال آ جائے چھوڑ دے وہ مجھے تکلیف میں ممکن تو نہیں اور اگر ایسی کبھی صورتِ حال آ جائے اس گھڑی پوچھوں گا تجھ سے یہ جہاں کیسا ہے جب تیرے حسن پہ تھوڑا سا زوال آ جائے کچھ نہیں ہے تو بھلانا ہی اسے سیکھ عدیم زندگی میں تجھے کوئی تو کمال آ جائے
English rendering
Kyoñ mere lab pe vafāoñ kā savāl ā jaae Ain mumkin hai use khud hī khayāl ā jaae Hijr kī shām bhī sīne se lagā letā hūñ Kya khabar yūñ hī kabhī shām-e-visāl ā jaae Ghar isī vāste jangal meñ badal ḍālā hai Shāyad aise hī idhar merā ghazāl ā jaae Dhanak ubhre sar-e-aflāk kaṛī dhūp meñ bhī Dasht-e-vahshat meñ agar terā khayāl ā jaae Koī to uṛ ke dahaktā huā sūraj ḍhānpe Gard hī sar pe ghaṭāoñ kī misāl ā jaae Chhoṛ de woh mujhe taklīf meñ mumkin to nahīñ Aur agar aisī kabhī sūrat-e-hāl ā jaae Us ghaṛī pūchhūñgā tujh se yeh jahāñ kaisā hai Jab tere husn pe thoṛā sā zavāl ā jaae Kuchh nahīñ hai to bhulānā hī use sīkh Adīmؔ Zindagī meñ tujhe koī to kamāl ā jaae