مفاہمت نہ سکھا جبر ناروا سے مجھے
مفاہمت نہ سکھا جبر ناروا سے مجھے میں سر بکف ہوں لڑا دے کسی بلا سے مجھے زباں نے جسم کا کچھ زہر تو اگل ڈالا بہت سکون ملا تلخیٔ نوا سے مجھے رچا ہوا ہے بدن میں ابھی سرور گناہ ابھی تو خوف نہیں آئے گا سزا سے مجھے میں خاک سے ہوں مجھے خاک جذب کر لے گی اگرچہ سانس ملے عمر بھر ہوا سے مجھے غذا اسی میں مری میں اسی زمیں کی غذا صدا پھر آتی ہے کیوں پردۂ خلا سے مجھے میں جی رہا ہوں ابھی اے زمین آدم خور ابھی تو دیکھ نہ تو اتنی اشتہا سے مجھے بکھر چکا ہوں میں اب مجھ کو مجتمع کر لے تو اب سمیٹ بھی اپنی کسی صدا سے مجھے میں مر رہا ہوں پھر آئے صدائے کن فیکوں بنایا جائے مٹا کے پھر ابتدا سے مجھے میں سر بہ سجدہ ہوں اے شمرؔ مجھ کو قتل بھی کر رہائی دے بھی اب اس عہد کربلا سے مجھے میں کچھ نہیں ہوں تو پھر کیوں مجھے بنایا گیا یہ پوچھنے کی اجازت تو ہو خدا سے مجھے میں ریزہ ریزہ بدن کا اٹھا رہا ہوں عدیمؔ وہ توڑ ہی تو گیا اپنی التجا سے مجھے
English rendering
Mufahamat na sikha jabr-e-naarawa se mujhe Main sar ba-kaf hoon lada de kisi bala se mujhe Zabaan ne jism ka kuch zehar to ugal dala Bahut sukoon mila talkhi-e-nawa se mujhe Racha hua hai badan mein abhi suroor-e-gunah Abhi to khauf nahin aayega saza se mujhe Main khaak se hoon mujhe khaak jazb kar legi Agarche saans mile umr bhar hawa se mujhe Ghiza isi mein meri main isi zameen ki ghiza Sada phir aati hai kyun parda-e-khala se mujhe Main ji raha hoon abhi aye zameen-e-aadam khor Abhi to dekh na tu itni ishteha se mujhe Bikhar chuka hoon main ab mujh ko mujtame'a kar le Tu ab sameit bhi apni kisi sada se mujhe Main mar raha hoon phir aaye sada-e-kun fayakun Banaya jaaye mita ke phir ibteda se mujhe Main sar ba-sajda hoon aye Shimr mujh ko qatl bhi kar Rihai de bhi ab is ahd-e-karbala se mujhe Main kuch nahin hoon to phir kyun mujhe banaya gaya Yeh poochhne ki ijazat to ho Khuda se mujhe Main reza reza badan ka utha raha hoon Adeem Woh tod hi to gaya apni ilteja se mujhe