افقر موہانی

English rendering

Ajal ne loot liya aa ke karwaan-e-hayaat Suna raha hoon zamana ko daastan-e-hayaat Hazaron karwatein badleen zamana ne lekin Uthe na khwab-e-taghaful se khuftagaan-e-hayaat Raha na peeri mein jab kuchh bhi zindagi ka maza Sehar ke waqt chale uth ke mehmaan-e-hayaat Rah-e-adam ki woh dushwariyan ma'az-Allah Ki mar ke pahunche hain manzil pe rehrawaan-e-hayaat Bahaar-e-jalwagaah-e-yaar tera kya kehna Adam se aaye hain hasti mein talibaan-e-hayaat Yehi bulandi o pasti hai bas zamana ki Hai ek zameen-e-hayaat ek aasmaan-e-hayaat Kisi tarah bhi talafi-e-zeest ho na saki Qaza ke sar pe raha khoon-e-kushtagaan-e-hayaat Khula na ghuncha-e-dil bagh-e-dehar mein Afqar Khizaan naseeb raha apna gulistaan-e-hayaat