ضو فشاں سینہ میں سوز غم پنہاں نکلا
ضو فشاں سینہ میں سوز غم پنہاں نکلا دل کا ہر داغ چراغ تہ داماں نکلا کوئی بھی جب نہ انیس شب ہجراں نکلا درد دل خود ہی مرے حال کا پرساں نکلا جستجو میں تری اے جلوہ نمائے ہستی کوئی کافر تو کوئی بن کے مسلماں نکلا مغفرت کو ہے مرے نامۂ اعمال پہ ناز جب نہ مجھ سا کوئی آسودۂ عصیاں نکلا پوچھتا کیا ہے حقیقت مرے جذب دل کی دل کے ہر قطرہ میں سمٹا ہوا طوفاں نکلا کتنا وابستہ اسیری سے تھا دور ہستی مر کے زنداں سے اسیر در زنداں نکلا میں نے جس سنگ پہ سجدہ کیا جذب دل سے وہ بھی منجملۂ سنگ در جاناں نکلا اس طرح ختم ہوئی جبر و قدر کی حجت میری تقدیر سے ساحل پہ بھی طوفاں نکلا بخیہ گر نے مری جب جامہ دری کو دیکھا چاک دامن کی جگہ چاک گریباں نکلا غم نہیں ساحل دریا کی تنک ظرفی کا ڈوبنے والا تو آسودۂ طوفاں نکلا سختئ حشر و قیامت مجھے واعظ تسلیم اور جو واں بھی نہ جواب غم جاناں نکلا رفعت چرخ ہو یا ہو وہ زمیں کی وسعت حامل بار امانت فقط انساں نکلا ہو چکا جامۂ وحشی کا رفو اے افقرؔ ابھی دامن نہ سیا تھا کہ گریباں نکلا
English rendering
Zau fishaan seena mein soz-e-gham-e-pinhaaN nikla Dil ka har dagh chiragh-e-teh-e-daaman nikla Koi bhi jab na anees-e-shab-e-hijraaN nikla Dard-e-dil khud hi mere haal ka pursaaN nikla Justuju mein teri ae jalwa-numa-e-hasti Koi kaafir to koi ban ke MusalmaaN nikla Maghfirat ko hai mere nama-e-a'maal pe naaz Jab na mujh sa koi asooda-e-isyaaN nikla Poochhta kya hai haqeeqat mere jazb-e-dil ki Dil ke har qatra mein simta hua toofaaN nikla Kitna wabasta aseeri se tha daur-e-hasti Mar ke zindaaN se aseer-e-dar-e-zindaaN nikla Maine jis sang pe sajda kiya jazb-e-dil se Woh bhi munjamla sang-e-dar-e-jaanaaN nikla Is tarah khatm hui jabr-o-qadr ki hujjat Meri taqdeer se saahil pe bhi toofaaN nikla Bakhiya gar ne meri jab jama-dari ko dekha Chak-e-daaman ki jagah chak-e-garebaaN nikla Gham nahi saahil-e-darya ki tanak-zarfi ka Doobne wala to asooda-e-toofaaN nikla Sakhti-e-hashr-o-qayamat mujhe waiz tasleem Aur jo waaN bhi na jawab-e-gham-e-jaanaaN nikla Riffat-e-charkh ho ya ho woh zameen ki wus'at Hamil-e-baar-e-amaanat faqat insaaN nikla Ho chuka jama-e-wahshi ka rafoo ae Afqar Abhi daaman na siya tha ke garebaaN nikla