گری وہ چرخ سے بجلی جلا وہ آشیاں اپنا
گری وہ چرخ سے بجلی جلا وہ آشیاں اپنا مٹا وہ دیکھتے ہی دیکھتے نام و نشاں اپنا میں سجدہ اس کشاکش میں کبھی کر ہی نہیں سکتا ادھر دیر و حرم اپنے ادھر وہ آستاں اپنا خدا شرمائے ایسے ارتباط اہل دنیا کو کہ جو ہے رازداں ان کا وہی ہے رازداں اپنا کوئی کیوں طور پر خندہ زن ذوق نظر ہوتا کلیم اپنی جگہ کرنا تھا پہلے امتحاں اپنا مجھے کیا وہ غم دنیا ہو یا افتاد محشر ہو نہ کوئی ہے یہاں اپنا نہ کوئی ہے وہاں اپنا یہ منظر سوختہ جانوں کے ہے پیش نظر ہر دم کہ جیسے سامنے وہ جل رہا ہے آشیاں اپنا دم رخصت بس اتنی آرزو ہے اے چمن والو ہمارے آشیانے کو سمجھنا آشیاں اپنا کوئی حد بھی ہے اس ذوق تن آسانی کی اے افقرؔ اجل کا خواب اب تو ہو گیا خواب گراں اپنا
English rendering
Giri woh charakh se bijli jala woh aashiyan apna Mita woh dekhte hi dekhte naam-o-nishan apna Main sajda is kashakash mein kabhi kar hi nahin sakta Idhar dair-o-haram apne udhar woh aastan apna Khuda sharmaye aise irtibat-e-ahl-e-duniya ko Ke jo hai raazdan un ka wohi hai raazdan apna Koi kyun Toor par khanda-zan zauq-e-nazar hota Kaleem apni jagah karna tha pehle imtihan apna Mujhe kya woh gham-e-duniya ho ya iftada-e-mahshar ho Na koi hai yahan apna na koi hai wahan apna Yeh manzar sokhta-janon ke hai pesh-e-nazar har dam Ke jaise samne woh jal raha hai aashiyan apna Dam-e-rukhsat bas itni aarzoo hai ay chaman walo Hamare aashiyane ko samajhna aashiyan apna Koi had bhi hai is zauq-e-tan-aasani ki ay Afqar Ajal ka khwab ab to ho gaya khwab-e-giran apna