جبین شوق اتنی تو شریک کار ہو جائے
جبین شوق اتنی تو شریک کار ہو جائے جہاں سجدہ کروں میں آستان یار ہو جائے صبا برہم اگر زلف دراز یار ہو جائے قیامت کروٹیں لیتی ہوئی بیدار ہو جائے بنا دو جس کو تم مجبور وہ مجبور بن جائے جسے مختار تم کہہ دو وہی مختار ہو جائے تجھے معلوم کیا اے خواب ہستی دیکھنے والے وہی ہستی ہے ہستی جو نثار یار ہو جائے جو ہو جائے یقیں آئیں گے وہ رسم عیادت کو نہ ہو بیمار بھی کوئی تو وہ بیمار ہو جائے گزر جائے حدود معرفت سے طالب جلوہ جو بے پردہ کسی ساعت جمال یار ہو جائے حکومت ہے جنوں پر ہست منشا تیرے وحشی کی ابھی دیوانہ بن جائے ابھی ہشیار ہو جائے فقط اتنی اطاعت چاہتی ہے رحمت یاری کہ انساں کو گنہ کا اپنے بس اقرار ہو جائے اسی کو کامیاب دید کہتے ہیں نظر والے وہ عاشق جو ہلاک حسرت دیدار ہو جائے نہ ہوگی ختم پھر بھی کشمکش شیخ و برہمن کی اگر ہم رشتۂ تسبیح بھی زنار ہو جائے سمجھ لینا وہیں عمر رواں کی آخری منزل جہاں پر ختم افقرؔ جستجوئے یار ہو جائے
English rendering
Jabeen-e-shauq itni to shareek-e-kaar ho jaae Jahan sajda karoon main aastaan-e-yaar ho jaae Saba barham agar zulf-e-daraaz-e-yaar ho jaae Qayamat karvaten leti hui bedaar ho jaae Bana do jis ko tum majboor woh majboor ban jaae Jise mukhtaar tum keh do wohi mukhtaar ho jaae Tujhe maloom kya ae khwab-e-hasti dekhne wale Wohi hasti hai hasti jo nisaar-e-yaar ho jaae Jo ho jaae yaqeen aaenge woh rasm-e-iyaadat ko Na ho beemar bhi koi to woh beemar ho jaae Guzar jaae hudood-e-ma'rifat se talib-e-jalwa Jo be-parda kisi saa'at jamaal-e-yaar ho jaae Hukoomat hai junoon par hast-mansha tere vahshi ki Abhi deevana ban jaae abhi hoshiyaar ho jaae Faqat itni ita'at chahti hai rahmat-e-yaari Ke insaan ko gunah ka apne bas iqraar ho jaae Isi ko kaamyaab deed kehte hain nazar wale Woh aashiq jo halaak-e-hasrat-e-deedaar ho jaae Na hogi khatm phir bhi kashmakash-e-Shaikh o Barahman ki Agar hum rishta-e-tasbeeh bhi zunnaar ho jaae Samajh lena wahin umr-e-ravaan ki aakhiri manzil Jahan par khatm Afqar justuju-e-yaar ho jaae