خوشی جانتے ہیں نہ غم جانتے ہیں
خوشی جانتے ہیں نہ غم جانتے ہیں جو ان کی رضا ہو وہ ہم جانتے ہیں جو کچھ چار تنکوں کو ہم جانتے ہیں وہ گلچین و صیاد کم جانتے ہیں تمہارے ہی جلووں کی ہم روشنی کو تجلیٔ دیر و حرم جانتے ہیں میں قاتل نہ محشر میں سمجھوں بھی تو کیا تمہیں سب خدا کی قسم جانتے ہیں مری خاک دل کا پتا بھی نہیں ہے وہ اتنے ستم کو بھی کم جانتے ہیں خدا کو خدا ہم سمجھتے ہیں واعظ مگر ہاں صنم کو صنم جانتے ہیں کریں گے نہ عرض تمنا کہ ہم خود محبت کا اپنی بھرم جانتے ہیں وہی کچھ سمجھتے ہیں اسرار ہستی جو ہستی کو اپنی عدم جانتے ہیں متاع دو عالم سمجھتے ہیں ہم بھی مگر چار تنکوں سے کم جانتے ہیں کہیں راز الفت بھی ہوتا ہے ظاہر کہیں کیوں جو کچھ تم کو ہم جانتے ہیں خدا کو وہی خوب پہچانتے ہیں تمہیں جو خدا کی قسم جانتے ہیں کھلی ہیں دم نزع آنکھیں جو افقرؔ ابھی تک وہ آنکھوں میں دم جانتے ہیں
English rendering
Khushi jante hain na gham jante hain Jo un ki raza ho woh hum jante hain Jo kuchh chaar tinkon ko hum jante hain Woh gulchin o sayyad kam jante hain Tumhare hi jalwon ki hum roshni ko Tajalli-e-dair o haram jante hain Main qaatil na mahshar mein samjhoon bhi to kya Tumhein sab Khuda ki qasam jante hain Meri khaak-e-dil ka pata bhi nahin hai Woh itne sitam ko bhi kam jante hain Khuda ko Khuda hum samajhte hain waiz Magar haan sanam ko sanam jante hain Kareinge na arz-e-tamanna ki hum khud Mohabbat ka apni bharam jante hain Wohi kuchh samajhte hain asraar-e-hasti Jo hasti ko apni adam jante hain Mataa-e-do alam samajhte hain hum bhi Magar chaar tinkon se kam jante hain Kahin raaz-e-ulfat bhi hota hai zahir Kahin kyun jo kuchh tum ko hum jante hain Khuda ko wohi khoob pehchante hain Tumhein jo Khuda ki qasam jante hain Khuli hain dam-e-naza aankhein jo Afqar Abhi tak woh aankhon mein dam jante hain