موت کیا ختم حیات غم دنیا کرنا
موت کیا ختم حیات غم دنیا کرنا حاصل زیست ہے مرنے کی تمنا کرنا قصۂ طور کا ہے مجھ کو اعادہ کرنا ایک بار اور کرم برق تجلیٰ کرنا جب کہ آتا ہے نظر تیرا ہی جلوہ ہر سو پھر تو بیکار نگاہوں سے ہے پردہ کرنا آبرو کھوئی سر بزم گرا کر آنسو چشم خوں بار کو لازم نہ تھا رسوا کرنا سیکھ لے ہم سے جبیں سائی کعبہ زاہد ہم کو آتا ہے در یار پہ سجدہ کرنا تھی کبھی دل میں تمناؤں کی دنیا لیکن اب تو آتا ہی نہیں دل کو تمنا کرنا کھیلتا جن کے سفینہ سے ہے طوفاں ان کو ناروا ہے ہوس ساحل دریا کرنا اک نظر دیکھ لو پہلے مری حالت آ کر پھر سمجھنے کو پڑی عمر ہے سمجھا کرنا تم پئے مشق ستم تیغ اٹھاؤ تو سہی شوق سے پھر سر افقرؔ کا نظارہ کرنا
English rendering
Maut kya khatm-e-hayat-e-gham-e-duniya karna Haasil-e-zeest hai marne ki tamanna karna Qissa-e-Toor ka hai mujh ko i'aada karna Ek baar aur karam barq-e-tajalli karna Jab ke aata hai nazar tera hi jalwa har soo Phir to bekaar nigaahon se hai parda karna Aabroo khoi sar-e-bazm gira kar aansoo Chashm-e-khoon-baar ko laazim na tha ruswa karna Seekh le hum se jabeen-sai-e-Ka'aba zaahid Hum ko aata hai dar-e-yaar pe sajda karna Thi kabhi dil mein tamannaon ki duniya lekin Ab to aata hi nahin dil ko tamanna karna Khelta jin ke safeena se hai toofan un ko Naarava hai hawas-e-sahil-e-dariya karna Ik nazar dekh lo pehle meri haalat aa kar Phir samjhne ko padi umr hai samjha karna Tum pay-e-mashq-e-sitam tegh uthao to sahi Shauq se phir sar-e-Afqar ka nazzaara karna