نزع کی ہچکی مریض ہجر کی دم ساز ہے
نزع کی ہچکی مریض ہجر کی دم ساز ہے سننے والے غور سے سن آخری آواز ہے لاکھ اے زاہد نشاط جاں ارم کا راز ہے جلوہ گاہ ناز پھر بھی جلوہ گاہ ناز ہے کون جان آرزو محو خرام ناز ہے ذرہ ذرہ میرے دل کا فرش پا انداز ہے مختلف نغمے ہیں لیکن ایک ہی آواز ہے ہستئ دل ایک نیرنگ طلسم ساز ہے بے نیاز جذب الفت انتقام عشق دیکھ دل تھا پہلے بزم میں اب دل ہی بزم ناز ہے دیکھ کر پامال کرنا میری تربت کی زمیں قبر ہے ظالم مگر قبر شہید ناز ہے جن کو ارماں ہوگا ان کو ہوگا ارماں دید کا ذرہ ذرہ اپنے دل کا جلوہ گاہ ناز ہے زندگی اس کی ہے موت اس کی ہے تربت اس کی ہے جس کی خاک دل پہ وہ محو خرام ناز ہے اب کہاں وہ نغمۂ دل کی صدائے جاں نواز بولنے والا جو پردہ تھا وہی بے ساز ہے فکر آزادی کو اے صیاد آزادی سمجھ یہ تڑپنا دل کا بھی منجملۂ پرواز ہے اے مرے ٹوٹے ہوئے دل کی صدائے منتشر دیکھ جو ہے جس جگہ پر گوش بر آواز ہے اس سے پہلے دل لیا تھا تم نے جس انداز سے آج بھی کیا بات کرنے کا وہی انداز ہے عمر گزری موت آئی بن کے انجام حیات اور ابھی تک عشق کا آغاز ہی آغاز ہے جان برباد تمنا دل خراب آرزو ہر نفس راہ طلب میں نغمۂ بے ساز ہے آشیاں والے خدارا کر نہ ذکر آشیاں پتا پتا گلستاں کا گوش بر آواز ہے نغمۂ روز ازل تیرے ترنم کے نثار سننے والا آج بھی محو صدائے ساز ہے درد کو رکھتے ہیں سینہ میں چھپائے ہر گھڑی کیا کہیں افقرؔ کسی سے دل کا اپنے راز ہے
English rendering
Naza ki hichki mareez-e-hijr ki dam-saaz hai Sunne wale ghaur se sun akhri awaz hai Lakh aye zaahid nishaat-e-jaan-e-iram ka raaz hai Jalwa-gah-e-naz phir bhi jalwa-gah-e-naz hai Kaun jaan-e-aarzoo mahv-e-khiram-e-naz hai Zarra zarra mere dil ka farsh-e-pa-andaaz hai Mukhtalif naghme hain lekin ek hi awaz hai Hasti-e-dil ek nairang-e-tilism-saaz hai Be-niyaz jazb-e-ulfat intiqam-e-ishq dekh Dil tha pehle bazm mein ab dil hi bazm-e-naz hai Dekh kar paamal karna meri turbat ki zameen Qabr hai zaalim magar qabr-e-shaheed-e-naz hai Jin ko armaan hoga un ko hoga armaan-e-deed ka Zarra zarra apne dil ka jalwa-gah-e-naz hai Zindagi us ki hai maut us ki hai turbat us ki hai Jis ki khaak-e-dil pe woh mahv-e-khiram-e-naz hai Ab kahan woh naghma-e-dil ki sada-e-jaan-nawaz Bolne wala jo parda tha wohi be-saaz hai Fikr-e-azadi ko aye sayyad azadi samajh Yeh tadapna dil ka bhi minjumla-e-parwaaz hai Aye mere toote hue dil ki sada-e-muntashir Dekh jo hai jis jagah par gosh bar awaz hai Is se pehle dil liya tha tum ne jis andaaz se Aaj bhi kya baat karne ka wohi andaaz hai Umar guzri maut aayi ban ke anjaam-e-hayat Aur abhi tak ishq ka aaghaz hi aaghaz hai Jaan barbaad tamanna dil kharab-e-aarzoo Har nafas rah-e-talab mein naghma-e-be-saaz hai Ashiyan wale khudara kar na zikr-e-ashiyan Patta patta gulistan ka gosh bar awaz hai Naghma-e-roz-e-azal tere tarannum ke nisaar Sunne wala aaj bhi mahv-e-sada-e-saaz hai Dard ko rakhte hain seena mein chhupaye har ghadi Kya kahein Afqar kisi se dil ka apne raaz hai