افقر موہانی

English rendering

Sharab pee ke bhi mast-e-sharab ho na saka Tera kharab-e-mohabbat kharab ho na saka Isi pe khatm hain nakamiyan zamane ki Teri janab mein jo kamyab ho na saka Teri ata ke tasadduq tere karam ke nisaar Gunahgaar tha lekin azab ho na saka Wafoor-e-husn ki woh shokhiyan ma'az Allah Shabab taabe'e ahd-e-shabab ho na saka Kharab-e-ishq tera ho ke sari duniya mein Kisi ka bhi dil khana kharab ho na saka Uthi na arz-e-tamanna pe khashmgeen ho kar Teri nigah ka mujh par itaab ho na saka Hazaar rang the lekin tha ek hi jalwa Kamal-e-husn ka tere jawab ho na saka Daleel pastii-e-auj-e-falak hai yeh Afqar Ke khaak-e-bos-e-dar-e-bu-turaab ho na saka