شوق دل حسرت دیدار سے آگے نہ بڑھا
شوق دل حسرت دیدار سے آگے نہ بڑھا میں کبھی جلوہ گہہ یار سے آگے نہ بڑھا محرم راز حقیقت اسے سمجھیں کیونکر عشق میں جو رسن و دار سے آگے نہ بڑھا ننگ ہے عشق میں راحت طلبی اے غافل توسن عمر غم یار سے آگے نہ بڑھا خلد کو ہم بھی سمجھتے ہیں مگر اے واعظ خلد کو کوچۂ دل دار سے آگے نہ بڑھا میں نے کیا کیا نہ کیا عہد وفا پر اصرار وہ فقط وعدۂ ہر بار سے آگے نہ بڑھا بندشیں کعبہ کی قبلہ کا تعین بے کار میرا سجدہ قدم یار سے آگے نہ بڑھا حشر میں اور بھی تھے مجرم الفت لیکن کوئی بھی تیرے گنہ گار سے آگے نہ بڑھا زندگی اپنی تھی اک وقفۂ تسکین نفس جو کبھی وقت کی رفتار سے آگے نہ بڑھا کام نشتر کا ہے پیوست رگ جاں ہونا وہ بھی تو ابروئے خم دار سے آگے نہ بڑھا کس قدر جوش پہ تھی ساحل و طوفاں کی کشش میرا بیڑا کبھی منجدھار سے آگے نہ بڑھا رہ گئے دو ہی قدم جل کے ہزاروں فتنے کوئی فتنہ تری رفتار سے آگے نہ بڑھا ایک دو جام میں سب ہو گئے بے خود ساقی کوئی بھی افقرؔ مے خوار سے آگے نہ بڑھا
English rendering
Shauq-e-dil hasrat-e-deedaar se aage na badha Main kabhi jalwa-gah-e-yaar se aage na badha Mahram-e-raaz-e-haqeeqat use samjhein kyunkar Ishq mein jo rasan-o-daar se aage na badha Nang hai ishq mein raahat-talabi ae ghaafil Tausan-e-umr gham-e-yaar se aage na badha Khuld ko hum bhi samajhte hain magar ae waa'iz Khuld ko koocha-e-dildaar se aage na badha Main ne kya kya na kiya ahd-e-wafa par israar Woh faqat vaada-e-har baar se aage na badha Bandishen Ka'aba ki qibla ka ta'ayyun bekaar Mera sajda qadam-e-yaar se aage na badha Hashr mein aur bhi the mujrim-e-ulfat lekin Koi bhi tere gunahgaar se aage na badha Zindagi apni thi ik waqfa-e-taskeen-e-nafas Jo kabhi waqt ki raftaar se aage na badha Kaam nashtar ka hai paivast-e-rag-e-jaan hona Woh bhi to abroo-e-khamdaar se aage na badha Kis qadar josh pe thi saahil-o-toofaan ki kashish Mera beda kabhi manjhdhaar se aage na badha Reh gaye do hi qadam chal ke hazaaron fitne Koi fitna teri raftaar se aage na badha Ek do jaam mein sab ho gaye bekhud saaqi Koi bhi Afqar mai-khwaar se aage na badha