ترے جلوؤں میں گم ہو کر نشاں باقی نہیں رہتا
ترے جلوؤں میں گم ہو کر نشاں باقی نہیں رہتا نشاں کیسا کہ ہستی کا گماں باقی نہیں رہتا محبت میں نظام جسم و جاں باقی نہیں رہتا یہ وہ منزل ہے جس میں کارواں باقی نہیں رہتا کہیں صیاد کیا ہم اس چمن کے رہنے والے ہیں بہاروں میں گلستاں تک جہاں باقی نہیں رہتا مٹا دے اپنی ہستی امتحاں گاہ محبت میں کہ اس کے باد کوئی امتحاں باقی نہیں رہتا تجلی تیری جب ہوتی ہے محو جلوہ آرائی تو پھر جلووں سے کوئی آستاں باقی نہیں رہتا وہاں پہنچا دیا سوز غم پنہاں نے اب ہم کو کہ غم منجملۂ عمر رواں باقی نہیں رہتا اب اس منزل پہ لے آئی ہے میری بے خودی مجھ کو جہاں فرق مکاں و لا مکاں باقی نہیں رہتا مرے آئینۂ دل کی حقیقت پوچھنے والے یہاں آ کر کوئی راز نہاں باقی نہیں رہتا وہ دنیا ہو لحد ہو یا قیامت ہو کہ محشر ہو غم اعمال کا رونا کہاں باقی نہیں رہتا صدا آتی ہے راتوں کو یہی گور غریباں سے چراغ سرحد منزل یہاں باقی نہیں رہتا بھلا دیتی ہے تیری یاد یاد ماسوا دل سے ترے ہوتے خیال دیگراں باقی نہیں رہتا جبین شوق جھک بھی جا کہاں کا پاس رسوائی کہ پھر قرب جبین و آستاں باقی نہیں رہتا مجھے حیرت انہیں شکوہ جبین شوق سرگرداں کہ سنگ در پہ سجدوں کا نشاں باقی نہیں رہتا جہاں انسانیت کا خون ہو جذبات کی رو میں وہاں معیار تخلیق جہاں باقی نہیں رہتا شہیدان محبت کی عجب دنیا ہے اے افقرؔ جہاں ذکر حیات جاوداں باقی نہیں رہتا
English rendering
Tere jalwon mein gum ho kar nishaan baaqi nahin rehta Nishaan kaisa ke hasti ka gumaan baaqi nahin rehta Mohabbat mein nizaam-e-jism-o-jaan baaqi nahin rehta Yeh woh manzil hai jis mein kaarvaan baaqi nahin rehta Kaheen sayyad kya hum is chaman ke rehne wale hain Bahaaron mein gulistaan tak jahaan baaqi nahin rehta Mita de apni hasti imtihaan-gah-e-mohabbat mein Ke is ke baad koi imtihaan baaqi nahin rehta Tajalli teri jab hoti hai mahv-e-jalwa-aaraai To phir jalwon se koi aastaan baaqi nahin rehta Wahan pahuncha diya soz-e-gham-e-pinhaan ne ab hum ko Ke gham manjumla umr-e-ravaan baaqi nahin rehta Ab is manzil pe le aayi hai meri bekhudi mujh ko Jahan farq-e-makaan-o-laa-makaan baaqi nahin rehta Mere aaina-e-dil ki haqeeqat poochhne wale Yahan aa kar koi raaz-e-nihaan baaqi nahin rehta Woh duniya ho, lahad ho ya qayamat ho ke mahshar ho Gham-e-a'maal ka rona kahan baaqi nahin rehta Sada aati hai raaton ko yehi gor-e-ghareebaan se Chiraagh-e-sarhad-e-manzil yahan baaqi nahin rehta Bhula deti hai teri yaad yaad-e-ma-siwa dil se Tere hote khayal-e-digaraan baaqi nahin rehta Jabeen-e-shauq jhuk bhi ja kahan ka paas-e-ruswai Ke phir qurb-e-jabeen-o-aastaan baaqi nahin rehta Mujhe hairat unhein shikwa jabeen-e-shauq sargardaan Ke sang-e-dar pe sajdon ka nishaan baaqi nahin rehta Jahan insaaniyat ka khoon ho jazbaat ki rau mein Wahan miyaar-e-takhleeq-e-jahaan baaqi nahin rehta Shaheedan-e-mohabbat ki ajab duniya hai ae Afqar Jahan zikr-e-hayaat-e-jaavedaan baaqi nahin rehta