عمر دو روزہ تابع ہجر و وصال ہے
عمر دو روزہ تابع ہجر و وصال ہے اک دن اگر خوشی ہے تو اک دن ملال ہے مٹنے کا اپنے دل کے نہیں مجھ کو غم ذرا دنیا کے مٹنے کا مگر اب تو سوال ہے ساقی پلائے اور پھر اپنی قسم کے ساتھ اس طرح سے جہاں بھی ملے مے حلال ہے مانا نیاز عشق کا ہے خامشی جواب پھر بھی سوال اپنی جگہ پر سوال ہے پامال کیا کرے گا زمانہ اسے بھلا تیرے خرام ناز کا جو پائمال ہے نقش وفا ہوں مٹنے کا اپنے نہیں ہے غم افقرؔ مٹائے مجھ کو کوئی کیا مجال ہے
English rendering
Umr do roza taab-e-hijr-o-wisaal hai Ek din agar khushi hai to ek din malaal hai Mitne ka apne dil ke nahin mujh ko gham zara Duniya ke mitne ka magar ab to sawaal hai Saqi pilaye aur phir apni qasam ke saath Is tarah se jahaan bhi mile mai halal hai Mana niyaz-e-ishq ka hai khamoshi jawaab Phir bhi sawaal apni jagah par sawaal hai Pamaal kya karega zamana use bhala Tere khiraam-e-naaz ka jo paamal hai Naqsh-e-wafa hoon mitne ka apne nahin hai gham Afqar mitaye mujh ko koi kya majaal hai