اور تو خیر کیا رہ گیا
اور تو خیر کیا رہ گیا ہاں مگر اک خلا رہ گیا غم سبھی دل سے رخصت ہوئے درد بے انتہا رہ گیا زخم سب مندمل ہو گئے اک دریچہ کھلا رہ گیا رنگ جانے کہاں اڑ گئے صرف اک داغ سا رہ گیا آرزوؤں کا مرکز تھا دل حسرتوں میں گھرا رہ گیا رہ گیا دل میں اک درد سا دل میں اک درد سا رہ گیا زندگی سے تعلق مرا ٹوٹ کر بھی جڑا رہ گیا ہم بھی آخر پشیماں ہوئے آپ کو بھی گلا رہ گیا کوئی مہمان آیا نہیں گھر ہمارا سجا رہ گیا اس نے پوچھا تھا کیا حال ہے اور میں سوچتا رہ گیا جام کیا کیا نہ خالی ہوئے درد سے دل بھرا رہ گیا کس کو چھوڑا خزاں نے مگر زخم دل کا ہرا رہ گیا یہ بھی کچھ کم نہیں ہے کہ دل گرد غم سے اٹا رہ گیا کام اجملؔ بہت تھے ہمیں ہاتھ دل پر دھرا رہ گیا
English rendering
Aur to khair kya reh gaya Haan magar ek khala reh gaya Gham sabhi dil se rukhsat hue Dard be intiha reh gaya Zakhm sab mundamil ho gaye Ek dareecha khula reh gaya Rang jaane kahan ur gaye Sirf ek daagh sa reh gaya Aarzuon ka markaz tha dil Hasraton mein ghira reh gaya Reh gaya dil mein ek dard sa Dil mein ek dard sa reh gaya Zindagi se taalluq mera Toot kar bhi jura reh gaya Hum bhi aakhir pasheman hue Aap ko bhi gila reh gaya Koi mehman aaya nahin Ghar hamara saja reh gaya Us ne poocha tha kya haal hai Aur main sochta reh gaya Jaam kya kya na khaali hue Dard se dil bhara reh gaya Kis ko chhora khizan ne magar Zakhm dil ka hara reh gaya Yeh bhi kuch kam nahin hai ke dil Gard-e-gham se ata reh gaya Kaam Ajmal bahut the hamein Haath dil par dhara reh gaya