اجمل سراج

English rendering

Ishq se aql ka fuqdan khareeda hum ne Aur woh bhi ala al-ilan khareeda hum ne Hum ne patthar bhi khareeda to woh aaina tha Kabhi yaqoot na marjaan khareeda hum ne Bhoolne ke liye woh sa'at-e paiman-e alast Waqt se ek naya paiman khareeda hum ne Shor utha tha ke nabood hua hai koi Jab tere wasl ka armaan khareeda hum ne Kitne lamhaat ko apne liye dushwar kiya Tab koi lamha-e aasaan khareeda hum ne Band hone ko dukaan hai to khayal aaya hai Faida chhor ke nuqsan khareeda hum ne Fees bharne ke liye jeb mein paise bhi na the Jin dinon Mir ka deewan khareeda hum ne