فائدہ کیا ہے ہمیں اور خسارہ کیا ہے
فائدہ کیا ہے ہمیں اور خسارہ کیا ہے جو بھی ہے آپ کا سب کچھ ہے ہمارا کیا ہے ہم نے کچھ ایسی بنا رکھی ہے حالت اپنی پوچھتا کوئی نہیں حال تمہارا کیا ہے کچھ نہیں دیکھتے کچھ بھی ہو ترے دیوانے دیکھتے ہیں تری جانب سے اشارہ کیا ہے دور سے جو نظر آتا ہے ستارے جیسا اشک مہتاب ہے یا کوئی شرارہ کیا ہے جسم پر وار کیا اور اسے ڈھیر کیا ہم کو مارا ہے قضا نے ولے مارا کیا ہے ختم ہو جائے گا جب کھیل تو کھل جائے گا کوئی جیتا ہے تو کیا ہارا تو ہارا کیا ہے ڈوبنے والے کو تنکے کا سہارا ہے بہت ڈوبنے والے کو تنکے کا سہارا کیا ہے مر گئے ہوتے تو یاد آتے تمہیں بھی اجملؔ جی رہے ہیں تو قصور اس میں ہمارا کیا ہے
English rendering
Faida kya hai hamein aur khasara kya hai Jo bhi hai aap ka sab kuch hai hamara kya hai Hum ne kuch aisi bana rakhi hai haalat apni Poochhta koi nahin haal tumhara kya hai Kuch nahin dekhte kuch bhi ho tere deewane Dekhte hain teri janib se ishara kya hai Door se jo nazar aata hai sitare jaisa Ashk-e-mahtab hai ya koi sharara kya hai Jism par waar kiya aur use dher kiya Hum ko mara hai qaza ne wale mara kya hai Khatm ho jaye ga jab khel to khul jaye ga Koi jeeta hai to kya haara to haara kya hai Doobne wale ko tinke ka sahara hai bahut Doobne wale ko tinke ka sahara kya hai Mar gaye hote to yaad aate tumhein bhi Ajmal Ji rahe hain to qusoor is mein hamara kya hai