گھوم پھر کر اسی کوچے کی طرف آئیں گے
گھوم پھر کر اسی کوچے کی طرف آئیں گے دل سے نکلے بھی اگر ہم تو کہاں جائیں گے ہم کو معلوم تھا یہ وقت بھی آ جائے گا ہاں مگر یہ نہیں سوچا تھا کہ پچھتائیں گے یہ بھی طے ہے کہ جو بوئیں گے وہ کاٹیں گے یہاں اور یہ بھی کہ جو کھوئیں گے وہی پائیں گے کبھی فرصت سے ملو تو تمہیں تفصیل کے ساتھ امتیاز ہوس و عشق بھی سمجھائیں گے کہہ چکے ہم ہمیں اتنا ہی فقط کہنا تھا آپ فرمائیے کچھ آپ بھی فرمائیں گے ایک دن خود کو نظر آئیں گے ہم بھی اجملؔ ایک دن اپنی ہی آواز سے ٹکرائیں گے
English rendering
Ghoom phir kar isi kooche ki taraf aayein ge Dil se nikle bhi agar hum to kahan jayein ge Hum ko maloom tha yeh waqt bhi aa jaye ga Haan magar yeh nahin socha tha ke pachhtayein ge Yeh bhi tay hai ke jo boyein ge woh kaatein ge yahan Aur yeh bhi ke jo khoyein ge wohi payein ge Kabhi fursat se milo to tumhein tafseel ke saath Imtiyaz-e-hawas-o-ishq bhi samjhayin ge Keh chuke hum hamein itna hi faqat kehna tha Aap farmaiye kuch aap bhi farmayein ge Ek din khud ko nazar aayein ge hum bhi Ajmal Ek din apni hi aawaz se takrayin ge