ہر نئی شام سہانی تو نہیں ہوتی ہے
ہر نئی شام سہانی تو نہیں ہوتی ہے اور ہر عمر جوانی تو نہیں ہوتی ہے تم نے احسان کیا تھا سو جتایا تم نے جو محبت ہو جتانی تو نہیں ہوتی ہے دوستو سچ کہو کب دل کو قرار آئے گا ہر گھڑی آس بندھانی تو نہیں ہوتی ہے دل میں جو آگ لگی ہے وہ لگی رہنے دے یار ہر آگ بجھانی تو نہیں ہوتی ہے جب بھی ملتے ہیں چٹک اٹھتے ہیں کلیوں کی طرح دوستی ہو تو پرانی تو نہیں ہوتی ہے بارہا اس کی گلی سے یہ گزر کر سوچا ہر گلی چھوڑ کے جانی تو نہیں ہوتی ہے موج ہوتی ہے کہیں اور بھنور ہوتے ہیں صرف دریا میں روانی تو نہیں ہوتی ہے دور ہو کر بھی وہ نزدیک ہے قربت یعنی از رہ قرب مکانی تو نہیں ہوتی ہے شائبہ جس میں حقیقت کا نہیں ہو اجملؔ وہ کہانی بھی کہانی تو نہیں ہوتی ہے
English rendering
Har nayi shaam suhani to nahin hoti hai Aur har umr jawani to nahin hoti hai Tum ne ehsaan kiya tha so jataya tum ne Jo mohabbat ho jatani to nahin hoti hai Dosto sach kaho kab dil ko qarar aaye ga Har ghadi aas bandhani to nahin hoti hai Dil mein jo aag lagi hai woh lagi rehne de Yaar har aag bujhani to nahin hoti hai Jab bhi milte hain chatak uthte hain kaliyon ki tarah Dosti ho to purani to nahin hoti hai Barha us ki gali se yeh guzar kar socha Har gali chhor ke jaani to nahin hoti hai Mauj hoti hai kahin aur bhanwar hote hain Sirf darya mein rawani to nahin hoti hai Door ho kar bhi woh nazdeek hai qurbat yani Az rah-e-qurb-e-makani to nahin hoti hai Shaiba jis mein haqeeqat ka nahin ho Ajmal Woh kahani bhi kahani to nahin hoti hai