جو اشک برسا رہے ہیں صاحب
جو اشک برسا رہے ہیں صاحب یہ رائیگاں جا رہے ہیں صاحب یہی تغیر تو زندگی ہے عبث گھلے جا رہے ہیں صاحب جو ہو گیا ہے سو ہو گیا ہے فضول پچھتا رہے ہیں صاحب یہ صرف گنتی کے چار دن ہیں بڑے مزے آ رہے ہیں صاحب ابھی تو یہ خاک ہو رہے گا جو جسم چمکا رہے ہیں صاحب کوئی ارادہ نہ کوئی جادہ کہاں کدھر جا رہے ہیں صاحب ادھر ذرا غور سے تو دیکھیں یہ پھول مرجھا رہے ہیں صاحب جہاں کی نایافت کے سبب میں جہاں کا غم کھا رہے ہیں صاحب یہ میں نہیں ہوں یہ میرا دل ہے یہ کس کو سمجھا رہے ہیں صاحب سکون کی نیند سوئیے گا وہ دن بھی بس آ رہے ہیں صاحب جو آپ کے ہجر میں ملے ہیں یہ دن گنے جا رہے ہیں صاحب بس اب نہیں کچھ بھی یاد مجھ کو بس آپ یاد آ رہے ہیں صاحب
English rendering
Jo ashk barsa rahe hain saahib Yeh raigaan ja rahe hain saahib Yehi taghayyur to zindagi hai Abas ghule ja rahe hain saahib Jo ho gaya hai so ho gaya hai Fuzool pachhta rahe hain saahib Yeh sirf ginti ke chaar din hain Bare maze aa rahe hain saahib Abhi to yeh khaak ho rahe ga Jo jism chamka rahe hain saahib Koi iraada na koi jaada Kahaan kidhar ja rahe hain saahib Idhar zara ghaur se to dekhein Yeh phool murjha rahe hain saahib Jahaan ki na-yaaft ke sabab mein Jahaan ka gham kha rahe hain saahib Yeh main nahin hoon yeh mera dil hai Yeh kis ko samjha rahe hain saahib Sukoon ki neend soiye ga Woh din bhi bas aa rahe hain saahib Jo aap ke hijr mein mile hain Yeh din gine ja rahe hain saahib Bas ab nahin kuchh bhi yaad mujh ko Bas aap yaad aa rahe hain saahib